قارۋلى كۇشتەر دايىندىعى

قۇرلىق اسكەرلەرىنىڭ اسكەري ينستيتۋتىندا مينيستر تالاپكەرلەرمەن اڭگىمەلەسىپ, ولارعا ەمتيحاندارىن ءساتتى تاپسىرىپ, الداعى وقۋلارى مەن قىزمەتتەرىنە اق جول تىلەدى. سونداي-اق ول ءبىلىم ورداسى باسشىلىعىنىڭ ماتەريالدىق-تەحنيكالىق بازانىڭ جاي-كۇيى, پروفەسسورلىق-وقىتۋشىلار قۇ­را­مىمەن جاساقتالۋى جانە وقۋ ورنىنىڭ دامۋ پەرسپەكتيۆالارى تۋرالى بايانداماسىن تىڭدادى.

گەنەرال-پولكوۆنيك رۋسلان جاقسىلىقوۆ اسكەري وقۋ ورنىنىڭ جەكە قۇرامىمەن كەزدەسۋدە پرە­زي­دەنتتىڭ بۇكىلارميالىق كە­ڭەستە العا قويعان قارۋلى كۇش­تەر­دىڭ زياتكەرلىك قابىلەتىن ارتتىرۋ مىندەتى كوبىنەسە اس­كەري عىلىمنىڭ دەڭگەيىنە, وقۋ باع­دارلامالارىنىڭ ماز­مۇ­نىنا جانە اسكەري وقۋ ورنى پەدا­گوگ­تە­رى­نىڭ كاسىبيلىگىنە بايلانىستى ەكەنىن اتاپ ءوتتى.

قۇرلىق اسكەرلەرى اسكەري ينس­تيتۋتىنىڭ «ىلە» پوليگونىنا بارعان قورعانىس ءمينيسترى اسكەري وقۋ ورنى قىزمەتىنىڭ عىلىمي قۇرامداس بولىگىن كۇشەيتۋمەن قاتار كۋرسانتتاردىڭ پراكتيكالىق داعدىلارىن يگە­رۋىنە ەرەكشە نازار اۋدارۋ قاجەت ەكەنىن اتاپ ءوتتى. رۋسلان جاقسىلىقوۆ تاۋ دايىندىعى ورتالىعىندا وقۋ جانە سپورت كورپۋستارى, اتىس ءتيرى, سكالودروم, تاۋ بەلدەۋى كەدەرگىلەرى, پايدالانۋعا بەرۋگە ازىرلەنىپ جات­قان ينفراقۇرىلىمدى دامىتۋ جوسپارىمەن تانىستى. مينيستر كازارماعا, اسحاناعا جانە قالا­شىق­­تىڭ باسقا دا الەۋمەتتىك نىساندارىنا باردى.

قوناەۆ گارنيزونىنداعى دە­سانتتىق-شابۋىلداۋ بري­گادا­سىن­داعى جۇمىس بارىسىندا گەنەرال-پولكوۆنيك رۋسلان جاقسىلىقوۆ ت-72 تانك­تە­رى ەكيپاجدارىنىڭ سۋ توسقاۋىل­دارىن ەڭسەرۋ جانە سۋدا جۇر­گىزۋ بويىنشا پراكتيكالىق ساباق­تار­ىنا قاتىستى.

ساپار قورىتىندىسى بويىنشا قورعانىس ۆەدومستۆوسىنىڭ باسشىسى اسكەري وبەكتىلەردىڭ ينفراقۇرىلىمىن جەتىلدىرۋ, جا­ۋىن­گەرلىك دايارلىقتى ارتتىرۋ جانە مەرزىمدى قىزمەت ساربازدارى ءۇشىن الەۋمەتتىك-تۇرمىستىق جاعدايلاردى جاقسارتۋ جونىندە بىرقاتار تاپسىرمالار بەردى.