«سپورت اسكەرىمىزدىڭ ساپاسىن كۇشەيتەدى»

– جەكپە-جەك ۇرىستان ۇلت­تىق ۇلاننىڭ بەس مارتە چەمپيونى قاي جەردە ومىرگە كەلدى؟

– مەن 1992 جىلى اقتاۋ قا­لاسىندا دۇنيەگە كەلگەنمىن. سول قالاداعى №23 مەك­تەپتى اياق­تاعان سوڭ, دەنەشى­نىقتىرۋ ما­ماندىعى بويىن­شا كاسىبي-تەح­نيكالىق كوللەدجى­نە وقۋعا ءتۇس­تىم. كەيىن ءبىلىم الۋدى ش.ەسە­نوۆ اتىنداعى كاسپي مەم­لە­كەتتىك تەحنولوگيالار جانە ين­جەنەرينگ ۋنيۆەرسيتەتىندە جال­عاستىردىم. 2014 جىلى وتان ال­دىنداعى بورىشىمدى وتەۋگە اتتاندىم. ال 2016 جىلدان بەرى اسكەري قىزمەتتەمىن. جەكپە-جەك ۇرىسپەن 15 جىلدان بەرى اينالىسىپ ءجۇرمىن.

– اسكەري قىزمەتكە قالاي كەلدىڭىز؟

– جاقىندارىمنىڭ اراسىندا اسكەري قىزمەت اتقارعاندارى جوق. بۇل سالاعا ءوزىمنىڭ سانالى تاڭ­داۋىم­مەن كەلدىم. وزىمە ۇناي­­دى. بۇ­دان ارتىق نە كەرەك؟ سون­دىقتان ءوز شە­شىمىمە وكىن­بەي­مىن. ءارى-بەرى­دەن سوڭ ەل يگىلىگى جولىن­دا ەڭ­بەك ەتىپ جاتىرمىز دەپ سانايمىن.

– اسكەري قىزمەت پەن سپورتتى قالاي ۇشتاستىرىپ ءجۇرسىز؟

– اسكەري سالادا جۇمىس ىس­تەيتىن ازاماتتار ءۇشىن سپورتپەن شۇعىلدانۋ اسا ماڭىزدى. اسكەري تۇلعا – دەنە ءبىتىمى كەلىسكەن, شىمىر, باتىل دا باتىر ادام. ال مۇنداي جان سپورتتان قالايشا الىس بولادى؟ جالپى, كەز كەلگەن ازامات ايتەۋىر ءبىر سپورت تۇ­رىنە بەيىم بولادى. تىم بولما­عان­دا, سالاماتتى ءومىر سالتىن ۇس­تانۋعا تىرىسادى. مۇنىڭ ءوزى – جەتىستىك. مەنىڭشە, ەكەۋى ءبىر-بىرىنە كەدەرگى كەلتىرمەيدى. سون­­­دىقتان ءار ۇلاندىق سپورتپەن شۇ­عىلدانا بىلگەنى ءجون. بۇل اس­كە­­رىمىزدىڭ ساپاسىن ارتتىرادى.

– بىزگە ءسىزدىڭ سپورتتاعى ال­عاشقى قادامىڭىز قاي كەزدە باستالعانى قىزىق.

– سپورتقا 10 جاستا كەلدىم. جاستايىمنان شارۋاعا ىڭعاي­لى, سپورتقا اۋەس بالا بولىپ وس­تىك. شاكىرت رە­تىن­دە ەڭ العاش رەت الەكسەي مەششە­رياكوۆ­تەن ءتالىم الدىم. كەيىن ۇلتتىق ۇلاننىڭ سپورت كومانداسىن ­دايارلاۋ ورتالىعىنىڭ باستىعى پولكوۆنيك ءساتجان ابى­شەۆتىڭ قول استىندا جاتتىعا باس­تادىق. سول كىسىلەر ءبىزدى اركەز جىگەرلەندىرىپ, بارىنشا قولداپ وتىردى.

– سپورتتى ومىرلىك سەرىك ەت­كەن تالاي ازامات اسكەردىڭ ماق­­تانىشى سانالادى. ءتىپتى ولار­دىڭ اراسىندا ەلىمىزدىڭ مەرەيىن اسىرىپ جۇرگەندەر دە كوپ. سولاردىڭ ءبىرى – ءوزىڭىز.

– اسىرا ماقتاپ جىبەرگەن سياقتىسىز (ك ۇلىپ). شۇكىر, ۇزاق جاتتىعۋدىڭ ناتيجەسىندە ءبىر­شاما جەتىستىكتەرىمنىڭ بارى راس...

– اتاپ وتسەڭىز, ارتىق بولماس ەدى.

– الەم چەمپيوناتىندا امبە­باپ جەكپە-جەكتەن ءبىرىنشى ورىن يەلەنگەنمىن, جەكپە-جەك ۇرىستان الەم كۋبوگىنىڭ كۇمىس جۇلدەسىن, ءدال وسى سپورت تۇرىنەن ەلىمىزدىڭ ەكى دۇركىن, ۇلتتىق ۇلاننىڭ 5 دۇر­كىن چەمپيونى بولدىم. بۇدان بو­لەك, 2 رەت ەل كۋبوگىنىڭ يەگەرى اتان­دىم. ايتپاقشى, بيىل 16-17 ماۋ­سىم كۇندەرى استانادا وت­كەن جەكپە-جەك ۇرىستان الەم چەم­پيو­ناتىندا 3-ورىن الدىم. نە­گى­زى بۇدان دا جاقسى ناتيجە ۋىس­تا تۇرعان. وكىنىشكە قاراي, العان جا­را­قاتىمنىڭ سالدارىنان كەزەكتى جەكپە-جەككە شىعا الماي قالدىم.

– الدا قانداي جارىستار كۇتىپ تۇر؟

– قازىرگى ساتتە ساۋىقتىرۋدان ءوتىپ, جوسپارلى جاتتى­عۋ­­لارىمدى قايتا جانداندىرىپ جا­تىرمىن. ويتكەنى الداعى قارا­شا ايىندا ەلوردامىزدا وتەتىن قورعانىس ءمينيسترىنىڭ كۋبوگىنە تالاسپاق ويىم بار. بۇيىرسا, ءوزىم­نىڭ بابىمدا ەكەنىمدى سول جەر­دە قايتا دالەلدەپ بەرگىم كەلەدى.

– بوس ۋاقىتىڭىزدى قالاي جانە قايدا وتكىزەسىز؟

– مۇنداي ساتتە تەڭىز جاعالاپ, جاياۋ سەرۋەندەگەندى قۇپ كورە­مىن. ويتكەنى قازىرگى تەحنيكا مەن تەحنولوگيا دامىعان زاماندا ءوزى­مىزدى-ءوزىمىز كۇتپەسەك بولمايدى. سول سەبەپتى جاياۋ ءجۇرۋ دەنساۋلىققا وتە پايدالى. مۇنى مەن ايتپاسام دا وقىرماندار جاقسى بىلەدى. ونىڭ ۇستىنە كۇيبەڭ تىرلىكتەن ءبىر ساتكە وقشاۋلانىپ, وڭاشالانعان دا ۇنايدى. سانا سەر­گىسە, جۇرەك تىنشيدى. جانىڭا جايلىلىق سىيلاي الساڭ, ءوزىڭدى ءوزىڭ تاربيەلەگەنىڭ. «جەڭىستىڭ ەڭ ۇلكەنى – ءوزىڭدى ءوزىڭ جەڭۋ» دەگەن ءسوزدى ەستىپ ەدىم. جانى بار ءسوز. كەرجالقاۋ جاننىڭ جانىن قاريتىن, بوسبەلبەۋ جىگىتتىڭ نامىسىن وياتاتىن-اق ءسوز. سوندىقتان مەن بوس ۋاقى­تىمدا ءوزىمدى فيزيكالىق تۇر­عىدا عانا دامىتپاي, رۋحاني جەتىل­دىرۋگە دە كۇش سالامىن.

اڭگىمەلەسكەن

جانبولات كەنجەعۇل,

جۋرناليست