الماتى مەملەكەتتىك قۋىرشاق تەاترى قازىرگى زاماناۋي تەندەنتسيالاردى, كوركەمدىك-ەستەتيكالىق وزگەرىستەردى, جاھاندىق الەمدەگى جاڭا باعىتتار مەن ۇزدىك شەشىمدەردى مەڭگەرۋ, تەاتردىڭ بۇگىنگى تىنىسىن كەڭەيتۋ جولىندا حالىقارالىق ءىرى جوبالارعا قاتىسۋدى نەگىزگى جۇمىس بارىسىنا اينالدىرعان.
وسى ورايدا تەاتر ۇجىمى قازاقستان عانا ەمەس, تۇركيا, رەسەي مەملەكەتتەرىمەن قاتار ەۋروپا ەلدەرىنىڭ دە ءىرى, بەدەلدى قۋىرشاق تەاتر فەستيۆالدارىنا ارنايى شاقىرتۋ الىپ, ۇزدىكتەر قاتارىنان كورىنىپ جۇرگەندىگىن باسا ايتا كەتكەن ءجون.
2022 جىلى اتالعان ونەر ۇجىمى بولگارياداعى ۆارنا قالاسىندا وتكەن XVII حالىقارالىق «التىن دەلفين» قۋىرشاق تەاترلار فەستيۆالىندە الەمدىك كلاسسيكانىڭ وزىق ۇلگىسى – «رومەو مەن دجۋلەتتا» (رەج. د.جۇماباەۆا) قويىلى- مىن ۇسىنىپ, گران-پري جۇلدەسىن, سونىمەن قاتار تەاتر ارتىستەرى شوحان قۇلنازاروۆ «ەڭ ۇزدىك ەر ادام ءرولى», ۇلان اسانبەك جانە ۇلپان سەرىك «ەڭ ۇزدىك دەبيۋت» اتالىمدارىن يەلەنگەن بولاتىن.
ال بيىل بۋرگاس قالاسىندا (بولگاريا) 30 شىلدە مەن 5 تامىز ارالىعىندا وتكەن اشىق اسپان استىنداعى ح حالىقارالىق «قۋىرشاق كۇندەرى» اتتى فەستيۆالعا ارنايى جولداما الىپ, قۇرالاي ەشمۇراتوۆانىڭ رەجيسسەرلىگىمەن ساحنالانعان «قۋىرشاق دۋمان» قويىلىمىمەن قاتىستى.
سونىمەن قاتار ح حالىقارالىق «قۋىرشاق كۇندەرى» فەستيۆالى اياسىندا تەاتر ۇجىمى بۋرگاس قالاسىنىڭ مەرى – ديميتر نيكولوۆتىڭ ارنايى قابىلداۋىندا بولىپ, بولاشاقتاعى بىرلەسكەن جوبالار تۇرعىسىندا جوسپار قۇرىپ تالقىلادى.
بۋرگاس مەملەكەتتىك قۋىرشاق تەاترىنىڭ باسشىسى حريستينا ارسەنوۆامەن شى- عارماشىلىق كەزدەسۋ ۇيىمداستىرىلىپ, زاماناۋي تەحنيكالىق جابدىقتاردى قولدانا كۇردەلى دە ساپالى قۋىرشاقتاردىڭ دايىندالۋىنان, جۇرگىزىلۋى مەن ساقتالۋىنان, تەاتر تىنىسىنىڭ حابار بەرەتىن ەكسكۋرسيامەن جالعاسىن تاپتى.
اتالعان فەستيۆالدا ەلىمىزدەن بولەك بولگاريا, نيدەر- لاند, رۋمىنيا مەملەكەتتەرىنەن ىرىكتەلگەن تاڭداۋلى 13 ۇجىم ونەر كورسەتتى. ءدۇبىرلى دودادا الماتى مەملەكەتتىك قۋىرشاق تەاترى بۋرگاس قالاسى اكىمدىگىنىڭ شەشىمىمەن گران-پري جۇلدەسىن جەڭىپ الدى.