استانا قالاسىنىڭ ەڭبەك موبيلدىلىگى ورتالىعىندا «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى اياسىندا 2023 جىلعى 7-9 تامىز كۇندەرى سولتۇستىك قازاقستان وبلىسىنىڭ جامبىل اۋدانىنا قونىس اۋدارۋ بويىنشا كەڭەس وتەدى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
بۇل باعدارلامانىڭ ماقساتى – بازالىق قىزمەتتەرگە حالىقتىڭ تەڭ قولجەتىمدىلىگىن قامتاماسىز ەتۋ, تۇرعىن ءۇي-كوممۋنالدىق جاعدايدى جاقسارتۋ جانە تۇرعىن ءۇي قۇرىلىسىن دامىتۋ, سونداي-اق كولىكتىك بايلانىستى قامتاماسىز ەتۋ جانە ەلدىڭ كولىكتىك-ترانزيتتىك الەۋەتىن جوعارىلاتۋ ەسەبىنەن ازاماتتاردىڭ قولايلى ءومىر ءسۇرۋ ورتاسىن قۇرۋ.
قونىس اۋدارۋ كەزىندە ازاماتتارعا:
• تۇرعىن ءۇي ساتىپ الۋعا سەرتيفيكات – 4 ملن تەڭگەگە دەيىن بەرىلەدى;• وتباسىنىڭ ءاربىر مۇشەسىنە بەرىلەتىن سۋبسيديا – 70 اەك (241 500 تەڭگە);• تۇرعىن ءۇي جالداۋ اقىسىن تولەۋ – 1 جىلعا دەيىن;• قايتارىمسىز گرانتتار – 400 اەك (1 380 000 تەڭگە);• تۇراقتى جۇمىس تابۋعا كومەكتەسۋ (بۇگىندە بارلىعى 118 بوس جۇمىس ورنى بار).
سونىمەن قاتار جامبىل اۋدانى سولتۇستىك قازاقستان وبلىسىنىڭ سولتۇستىك-شىعىس بولىگىندە ورنالاسقان, رەسەيدىڭ قورعان وبلىسىمەن جانە قوستاناي وبلىسىمەن, مامليۋت, ەسىل, شالاقىن جانە تيميريازەۆ اۋداندارىمەن (پەتروپاۆلدان 140 كم) شەكتەسەدى. اۋداننىڭ جالپى اۋدانى 7,47 مىڭ شارشى شاقىرىمدى قۇرايدى. تۇرعىندار سانى 22,5 مىڭ ادام بولسا, ونىڭ ىشىندە 16,8 مىڭ ادام جۇمىسپەن قامتىلعان. وبلىستا 14 ءدىني بىرلەستىك (مۇسىلمان – 8; پراۆوسلاۆيە – 3; پروتەستانتتىق – 3) بار.
وبلىس ەكونوميكاسىنىڭ نەگىزگى سالاسى – اۋىل شارۋاشىلىعى, ونىڭ ىشىندە وسىمدىك شارۋاشىلىعى مەن مال شارۋاشىلىعى.
وبلىستا 12 اۆتوبۋس (2 اۋىلدىق, 1 قالاارالىق جانە 9 قالالىق), 30 مەكتەپكە دەيىنگى ءبىلىم بەرۋ مەكەمەسى, 33 ورتا مەكتەپ, 1 ونەر مەكتەبى, 1 كاسىپتىك ليتسەي, 6 مەكتەپ-ينتەرنات (قازاق, ورىس نەمەسە ارالاس تىلدە وقىتاتىن) ۇيىمداستىرىلعان.