تاربيەدەگى ولقىلىق سالدارى

شىلدە ايىنىڭ سوڭعى ون­كۇن­دىگىندە بولعان وقيعا الەۋ­مەتتىك جەلىنى ءدۇر سىلكىن­دى­رىپ, ەستىپ-بىلگەن جۇرت­تىڭ جا­عاسىن ۇستاتتى. جاس شا­ما­لا­رى 12-17 جاستاعى ءبىر توپ بالا ءوز قاتارلاسىن اياۋسىز ۇرىپ, تەپكىنىڭ استىنا العان. ءجاس­وسپىرىمنىڭ باس سۇيەگىنە, دەنەسىنە جاراقات سالىپ, ويلارىنا كەلگەن جاۋىزدىقتى جۇزەگە اسىرعاندار اراسىندا كامەلەت جاسىنا جەتپەگەن قىزدار دا بولعان دەسەدى وقي­عانى كورگەندەر. جابىلا سابا­عانى بىلاي تۇرسىن, زارداپ شەگۋشىنى تىر جالاڭاش شەشىندىرىپ, قورلاپ, ونىسىن ۇيالى تەلەفون كامەراسىنا ءتۇ­سىرىپ العان. ەڭ سوڭى بەي­باستاق قىلىق جاساعاندار بالادان 100 مىڭ تەڭگە تالاپ ەتىپ, بوپسالاعان. بايعۇس بالانى سوڭىنان دوستارى تاۋىپ الىپ, جەدەل جاردەم كولىگىن شاقىرتقان.

بۇل وقيعاعا جەرگىلىكتى اتا-انالار ايرىقشا الاڭداۋشىلىق تانىتىپ وتىر. الەۋمەتتىك جەلى­لەردە بەلسەندى ازاماتتار توپ قۇرىپ, ار-نامىسى تاپ­تالعان ەر بالانىڭ قۇقى­عىن قورعاۋ, قىلمىستىق وقي­­عاعا قاتىسى بارلاردىڭ ءتيىس­­تى جازاسىن الۋى بويىنشا ماسەلەلەردى نازارلارىندا ۇس­تاۋدا. وڭىرلىك پوليتسيا دەپار­تامەنتىنىڭ مالىمەتىنشە, ۇرىپ-سوعۋ ارەكەتىنە قاتىس­قاننىڭ بارلىعى انىق­تا­لىپ­تى. «وقيعانىڭ بارلىق قاتىسۋشىسى انىقتالدى. قا­زىرگى ۋاقىتتا قىلمىستىق كو­دەكستىڭ 107-بابى 4-بولىگىنىڭ 2-تارماعى – «الدىن الا ءسوز بايلاسۋ ارقىلى ادامدار تو­بىنىڭ دەنساۋلىققا قاساقانا اۋىرلىعى ورتاشا زيان كەلتiرۋى» بويىنشا سوتقا دەيىنگى تەرگەۋ جۇرگىزىلىپ جاتىر», دەپ حابارلاندى دەپارتامەنتتەن.

وبلىستىق بالالار اۋرۋ­حا­نا­سىنىڭ نەيروحيرۋرگى تالعات قاسىمبەكوۆتىڭ ايتۋىنشا, 2009 جىلى تۋعان ءجاسوسپىرىم ەمدەۋ مەكەمەسىنە جەتكىزىلگەندە, وعان «جابىق باس سۇيەك-مي جاراقاتى» دياگنوزى قويىلعان. ياعني بالانىڭ ميى شايقالىپ, ماڭداي سۇيەگى سىنعان, وكپە جانە بۇيرەك مۇشەلەرى قاتتى سوققى العان. بەت-اۋزى, شىنتاقتارى مەن ارقاسى, كەۋدەسى سىرىلعان. زارداپ شەگۋشى تولىق ساۋىعىپ كەتۋى ءۇشىن وعان كەمىندە ءۇش ايلىق وڭالتۋ شارالارى جانە پسيحولوگتىڭ كومەگى قاجەت دەيدى مامان.

– سوققىعا جىعىلعان بالا­نىڭ جاعدايى ورتاشا اۋىر دەپ باعالاندى. العاشقى كۇننەن-اق كونسەرۆاتيۆتى ەمدەۋ شارالارى تاعايىندالىپ, دارىگەر ماماندارىمىز جاسوسپىرىمگە ءوز اقىل-كەڭەستەرىن بەردى. بالاعا ەشقانداي وتا جاسالعان جوق. قازىرگى ۋاقىتتا جاعدايى جاقسى, جۋىق ارادا امبۋلاتورلىق ەمدەۋگە شىعارىلادى. پسيحو­لو­گيالىق جاراقات بالانىڭ بويىندا ۇزاق ۋاقىتقا قالىپ قويا­تىنى اقيقات. ول ەندى تۇر­عى­لىقتى جەرى بويىنشا قىز­مەت كورسەتەتىن نەۆروپاتولوگ­تەر مەن پسيحولوگتەردىڭ قۇزى­رە­تىندەگى جۇمىس. بالامەن ءارى قاراي وڭالتۋ شارالارىن جۇرگىزۋ وتە ماڭىزدى, – دەيدى وب­لىستىق بالالار اۋرۋ­­حا­­نا­سىنىڭ نەيروحيرۋرگى ت.قاسىمبەكوۆ.

ەمدەۋ مەكەمەسىنىڭ قىزمەت­كەر­لەرى بالا اۋرۋحاناعا تۇس­كەننەن باستاپ اتا-اناسى مۇلدە بوي كورسەتپەگەنىن دە جاسىرمادى. اناسى كەلمەك تۇگىلى, ءالى كۇنگە بالاسىنا قوڭىراۋ شالىپ, ءحالىن دە سۇراماعان. دارىگەرلەر ءجاسوسپىرىمنىڭ زاڭدى وكىلدەرى كەلمەيىنشە, ونى اۋرۋحانادان شىعارا المايتىندارىن ايتىپ وتىر.

ال وقۋ-اعارتۋ مينيستر­لى­گىنىڭ بالالاردىڭ قۇقىقتارىن قورعاۋ كوميتەتى ءجاسوسپىرىمدى ۇرىپ-سوعۋ وقيعاسىن ءوز باقى­لاۋىنا العانىن, وعان ال­داعى ۋاقىتتا جان-جاقتى كو­مەك كورسەتىلەتىنىن حابارلادى. «بالالار اراسىنداعى قا­تى­گەزدىكتىڭ الدىن الۋ ماق­ساتىندا وڭىرلەرگە ءبىلىم بەرۋ ۇيىمدارىندا تاربيە جۇمىس­تا­رىن كۇشەيتىپ, بالالاردى قوسىمشا بىلىممەن 100 پا­يىز قامتۋ جونىندە شارالار قابىلداۋ تاپسىرىلدى» دە­لىنگەن رەسمي مالىمدەمەدە.