وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ۇيىمداستىرۋىمەن ء«بول, تاپسىر, قايتا وڭدە!» جوباسى اياسىندا سەنبىلىك وتكەن ەدى. سەنبىلىككە قاتىسقان ەرىكتىلەر 30 قاپتان اسا قوقىس جيناعان.
وكىنىشكە قاراي, قاراعاندى – تەمىرتاۋ تاسجولىنىڭ بويى جانە ىرگەسىندەگى ورمان القابى قوقىسقا تولعان. مۇندا قالا تۇرعىندارى كەلىپ, دەمالىس وتكىزەدى. بىراق وزدەرىمەن بىرگە قوقىس قالدىعىن الا كەتۋدى ادەتكە اينالدىرماي, تابيعاتتى ايالاي الماي وتىر. «قوقىس ءارتۇرلى قاپقا سۇرىپتالدى. 14 قاپ – پلاستيك, 3 قاپ – مەتالل بۇيىمدار, 6 قاپ – شىنى, 4 قاپ – قاعاز, 4 قابى ارالاس قوقىس شىقتى. مۇنىڭ ءبارى بىردەن قايتا وڭدەۋگە جىبەرىلدى», دەيدى ۇيىمداستىرۋشىلار.
اكتسياعا قاتىسۋشىلارعا قاجەتتى قۇرال-جابدىقتار مەن جۇك تيەيتىن كولىكتى باسقارما باسشىلىعى قامتاماسىز ەتتى. سونداي-اق اكتسيا سوڭىندا ۇيىمداستىرۋشىلار سەنبىلىككە قاتىسقاندارعا تابيعات اياسىندا داستارقان جايدى.
قاسىمحان عالىم,«Egemen Qazaqstan»