قىتايدىڭ چەندۋ قالاسىندا ءوتىپ جاتقان جازعى ۋنيۆەرسيادانىڭ كەزەكتى كۇنىندە ەل قورجىنىنا تاعى ەكى قولا مەدال ءتۇستى.
بۇل جولى ۋ-شۋ سپورتىنىڭ وكىلدەرى جەڭىس تۇعىرىنان كورىندى. 60 كيلو سالماقتا ونەر كورسەتكەن جەرلەستەرىمىز – بەكسۇلتان قوسكەنوۆ پەن ايگەرىم تورەحانوۆا جارىستىڭ جارتىلاي فينالىنا دەيىن جەتىپ, ۋنيۆەرسيادانىڭ قولا جۇلدەگەرلەرى اتاندى.
ەرلەر اراسىنداعى سايىستا باق سىناعان بەكسۇلتان قوسكەنوۆ جارتىلاي فينالدا قىتايلىق ما يگۋدىڭ وسال تۇسىن تابا الماسا, ايگەرىم تورەحانوۆا تۇركيالىق بەرنە تۋتتەن جەڭىلىپ قالدى.
وسىلايشا, قازاقستان قۇراماسى كەزەكتى قوس قولا مەدالدەن كەيىن جالپىكوماندالىق ەسەپتە 13 جۇلدەمەن توپ-20 ەلدىڭ قاتارىندا كەلەدى. قىتايداعى جازعى ۋنيۆەرسيادا سايىستارى 8 تامىزعا دەيىن جالعاسادى.