شىلدە ايىنىڭ سوڭعى ەكى اپتاسىندا الەۋمەتتىك ماڭىزى بار ونىمدەرگە -0,2% مولشەرىندە دەفلياتسيا تىركەلدى. سەنبى كۇنى پرەمەر-ءمينيستردىڭ ورىنباسارى سەرىك جۇمانعاريننىڭ توراعالىعىمەن وتكەن وتىرىستا اتالعان ناتيجە مەن ازىق-ت ۇلىك باعاسىن تۇراقتاندىرۋ شارالارى تالقىلاندى, دەپ حابارلايدى Egemen.kz.
دالىرەك ايتقاندا, توعىز تاۋار بويىنشا باعا تومەندەگەن. باعا ءتۇسۋىنىڭ ۇزاقتىعى بويىنشا كۇنباعىس مايى, قاراقۇمىق, قۇس ەتى كوش باستاپ تۇر. وتكەن اپتادا پياز, قانت, ءسابىز, كارتوپ, ۇن, تۇزدىڭ باعا يندەكسى تومەندەدى.
كوپتەگەن الەۋمەتتىك ءونىم باعاسىنىڭ تومەندەۋىنە قاراماستان, ولاردىڭ كەيبىرى, اتاپ ايتقاندا, قىرىققابات, جۇمىرتقا, كۇرىش باعاسىنىڭ شامالى ءوسۋ ءۇردىسى ساقتالعان. كەڭەس بارىسىندا وسى ماسەلەگە ەرەكشە نازار اۋدارىلدى.
«بۇگىندە ازىق-ت ۇلىك كورپوراتسياسى 6 مىڭ توننا كۇرىش جارماسىن ساتىپ العان. وڭىرلەر تەك 5,7 مىڭ توننا كۇرىشكە كەلىسىم-شارت جاسادى, ونى 25 مىڭ تونناعا دەيىن جەتكىزۋ تاپسىرىلعان بولاتىن. كۇرىشتىڭ جەتكىلىكتى كولەمدە بولۋى عانا كۇرىش باعاسىنىڭ ءوسۋ قارقىنىن تومەندەتۋگە مۇمكىندىك بەرەدى», دەدى ساۋدا جانە ينتەگراتسيا ءبىرىنشى ۆيتسە-ءمينيسترى ارمان شاققاليەۆ.
سونىمەن قاتار ول اينالىم سحەماسى ارقىلى ساتىپ الۋدى ۇيىمداستىرۋ بويىنشا قازاقستاننىڭ جۇمىرتقا وندىرۋشىلەر قاۋىمداستىعىمەن جۇمىس ءجۇرىپ جاتقانىن ايتتىپ. وڭىرلەرگە تىكەلەي ءوندىرۋشى زاۋىتتارمەن كەلىسىم-شارتتار جاساۋدى قامتاماسىز ەتۋ تاپسىرىلدى.
دەلدالدىق سحەمالاردى تەرگەۋ جونىندەگى وڭىرلىك كوميسسيالاردىڭ جۇمىسى بولەك قارالدى. جىل باسىنان بەرى كوميسسيالار 1 108 وتىرىس وتكىزىپ, 360 ءونىمسىز دەلدال جويىلدى, 716 تىزبەك تالدانىپ, 122 فاكت بويىنشا ساۋدا ۇستەمەسىن اسىرۋ قاۋپى انىقتالدى.
«مىسالى, ماۋسىم-شىلدە ايلارىندا ءىرى وندىرۋشىلەر 5 مىڭ ساتىپ الۋشىعا 27 ملن-نان استام جۇمىرتقا وتكىزدى, ونىڭ ىشىندە 1 500 جەكە تۇلعاعا 1,5 ملن-نان 2 ملن-عا دەيىن جۇمىرتقا ساتىلدى. سودان كەيىن تىزبەك ۇزىلەدى. قم مكك-مەن بىرلەسىپ, زاڭسىز كاسىپكەرلىك ءۇشىن جەكە تۇلعالاردى جاۋاپقا تارتۋ ماسەلەسىن قاراستىرۋ, سونداي-اق ءامات-تى وتكىزۋ كەزىندە وسى تۇلعالاردى ەلەكتروندىق شوت-فاكتۋرالارعا سايكەستەندىرۋدى جۇرگىزۋ قاجەت دەپ سانايمىز», دەدى ساۋدا جانە ينتەگراتسيا ءبىرىنشى ۆيتسە-ءمينيسترى.
سونىمەن قاتار كەڭەس بارىسىندا اۋىل شارۋاشىلىعى ۆيتسە-ءمينيسترى باعلان بەكباۋوۆ بايانداما جاسادى, ول 2024 جىلعى ماۋسىمارالىق كەزەڭگە وڭىرلەردە پياز جانە ءسابىز بويىنشا ۇسىنىلعان كولەم جينالعانىن حابارلادى. اكىمدىكتەرمەن بىرلەسىپ, كارتوپ, قىرىققابات, قاراقۇمىق جارماسى, كۇرىش, كۇنباعىس مايى, ۇن جانە قانتقا فورۆاردتىق كەلىسىم-شارتتار جاساسۋ بويىنشا جۇمىس جالعاسىپ جاتىر.
«ەلدەگى سالىستىرمالى تۇردە تۇراقتى جاعدايعا قاراماستان, اكىمدىكتەر الەۋمەتتىك ونىمدەردى, ەڭ الدىمەن, پياز بەن قىرىققابات بويىنشا كەلىسىم-شارت تۋراسىندا بەلسەندى جۇمىستى جالعاستىرۋى قاجەت. 1 تامىزعا دەيىن كۇرىشتى جەتكىزۋگە جانە قاجەتتى كولەم بويىنشا الدىن الا كەلىسىم-شارتقا وتىرۋعا فورۆاردتىق كەلىسىم-شارتتار جاساسۋ قاجەت. جۇمىرتقا باعاسىن تۇراقتاندىرۋ بويىنشا ءتيىستى شارالار قابىلداۋ, بيزنەس, وندىرۋشىلەر, ساۋدا جەلىلەرىمەن جۇمىس جۇرگىزۋ, قارجى مينيسترلىگىمەن جانە باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ, ارتىق دەلدالداردى جويۋ بويىنشا جۇمىس ىستەۋ قاجەت», دەپ قورىتىندىلادى سەرىك جۇمانعارين.