قىزىلوردا وبلىسىنىڭ ءدىن ىستەرى باسقارماسىنىڭ باسشىسى تاعايىندالدى

دىنمۇحامەد ەرمەكوۆ وبلىستىق بىرىڭعاي كونكۋرستىق كوميسسيانىڭ شەشىمى جانە ءوڭىر اكىمىنىڭ وكىمىمەن تاعايىندالدى.

د.ەرمەكوۆ 1992 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «قۇقىقتانۋ» جانە «قارجى» ماماندىقتارى بويىنشا تامامداعان.

ەڭبەك جولىن 2014 جىلى «پاراسات سناب» جاۋاپكەرشىلىگى شەكتەۋلى سەرىكتەستىگىنىڭ زاڭگەرى رەتىندە باستاعان.

2014-2015 جىلدارى الماتى وبلىسى جامبىل اۋدانىنىڭ ىشكى ساياسات بولىمىندە, ماتىبۇلاق اۋىلدىق وكرۋگى اكىمى اپپاراتىندا, يندۋستريالىق دامۋ جانە ونەركاسىپتىك قاۋىپسىزدىك كوميتەتى الماتى قالاسى بويىنشا دەپارتامەنتىندە باس مامان قىزمەتىندە ەڭبەك ەتتى.

2015-2018 جىلدارى قر ينۆەستيتسيالار جانە دامۋ, ۇلتتىق ەكونوميكا, قورعانىس جانە جانە اەروعارىش ونەركاسىبى مينيسترلىكتەرىندە ساراپشى, باس ساراپشى رەتىندە قىزمەت اتقاردى.

2018-2021 جىلدارى قر پرەمەر-ءمينيسترى كەڭسەسىنىڭ باس كونسۋلتانتى, باس ساراپشىسى, پرەزيدەنت اكىمشىلىگىنىڭ ساراپشىسى, كونسۋلتانتى جاۋاپتى قىزمەتتەرىندە بولعان.

2023 جىلدىڭ اقپان ايىنان باستاپ قىزىلوردا قالاسى اكىمىنىڭ ورىنباسارى قىزمەتىن اتقارعان.