سينوپتيكتەر بۇگىن اتموسفەرالىق فرونت اسەرىنەن ەلىمىزدىڭ باسىم بولىگىندە اۋا رايى قۇبىلمالى بولاتىنىن حابارلادى. جاڭبىر, بۇرشاق جاۋىپ, نايزاعاي جارقىلداپ, داۋىل سوعادى, دەپ حابارلايدى Egemen.kz.
تەك وڭتۇستىكتە جانە باتىستا كۇن اشىق بولادى.
رەسپۋبليكا بويىنشا جەل كۇشەيەدى. تۇندە سولتۇستىكتە, سولتۇستىك-باتىستا تۇمان تۇسەدى.
كۇندىز الماتى, جامبىل, تۇركىستان, باتىس قازاقستان, اتىراۋ, ماڭعىستاۋ, اقتوبە, جەتىسۋ, ۇلىتاۋ وبلىستارىندا, قوستاناي وبلىسىنىڭ وڭتۇستىگىندە 35-38°س قاتتى ىستىق بولادى.
كۇندىز ماڭعىستاۋ, اتىراۋ, اقتوبە, باتىس قازاقستان وبلىستارىندا 42-43°س وتە قاتتى ىستىق بولادى.
باتىس قازاقستان, ماڭعىستاۋ, سولتۇستىك قازاقستان, اقمولا وبلىستارىندا, اتىراۋ وبلىسىنىڭ سولتۇستىگىندە ءورت قاۋپى جوعارى بولماق.
الماتى, تۇركىستان, جامبىل, شىعىس قازاقستان, قاراعاندى, اقتوبە, ۇلىتاۋ, جەتىسۋ, اباي وبلىستارىندا, قىزىلوردا وبلىسىنىڭ ورتالىعىندا, شىعىسىندا, پاۆلودار وبلىسىنىڭ وڭتۇستىگىندە, باتىسىندا, قوستاناي وبلىسىنىڭ وڭتۇستىگىندە, اتىراۋ وبلىسىنىڭ باتىسىندا, شىعىسىندا, وڭتۇستىگىندە, اقمولا وبلىسىنىڭ وڭتۇستىگىندە, باتىسىندا توتەنشە ءورت قاۋپى ساقتالادى.