كولىك قۇراستىراتىن شەبەر

مەحانيك ماماندىعىن مەڭگەرگەن جىگىت بىرنەشە كولىك قۇراستىرعان. ونىڭ ىشىندە Toyota موتورى ورناتىلعان BMW, اۆتوجارىسقا ارنالعان سپورتتىق كولىكتەر,  موتوتسيكل بار. ماسەلەن, Gorilla Drift Energy سايىسى ءۇشىن  BMW كولىگىن قۇراستىرۋعا 1,5 جىل ۋاقىتىن جۇمساعان. كوڭىلى قالاعان كولىكتى ارنايى تسەحتا, نە جوندەۋ ورتالىعىندا ەمەس, جەكە گاراجىندا قۇراستىرادى. 

ول قۇراستىرعان تەحنيكانىڭ ءبىرى – «گاز-24» ماركالى كولىگى. ەل اۋزىندا ۆولگا اتالعان كولىك زاۋىتتان 1963 جىلى شىعارىلعان. بۇل كولىكتى قايتا قۇراستىرۋ ءۇشىن 5 ميلليون تەڭگەدەن استام قارجىسىن سالعان.

– اركىمنىڭ كوڭىلى قالايتىن ءىسى بولادى عوي. بالا كەزىمنەن تەحنيكاعا اۋەس بولدىم. ويىنشىقتاردى بۇزىپ, قايتا قۇراستىراتىن ەدىم. كەيىن كولىك قۇراستىرامىن دەگەن توقتامعا كەلدىم, – دەيدى نۇرجان تەمىرباي.

ول قۇراستىرعان كولىكتىڭ ءبىرى – ۆولگا. ونى ورال قالاسىنان 300 مىڭ تەڭگەگە ساتىپ العان. اتىراۋعا اكەلگەن سوڭ قايتا بوياعان. ءسويتىپ, 60 جىل بۇرىنعى  كولىكتى 11 سانتيمەترگە ۇزارتىپ, كاب­ريولەت كەيپىنە كەلتىرگەن.

ۆولگا كولىگىنە «قۇدا» تۇسۋشىلەر از ەمەس. بۇل كولىكتى بۇرناعى جىلى اقتاۋ قالاسىندا تۇسىرىلگەن كينودان كورۋگە بولادى. ءتىپتى ءانشى ەركە ەسماحاننىڭ كليپىندە دە بار. رەسەيدەن دە شاقىرتۋ تۇسكەن. رەتروكولىكتى بلوگەرلەر دە روليگىنە پايدالانىپ ءجۇر.