ءبىلىم جانە عىلىم قىزمەتكەرلەرى كاسىپتىك وداعىنىڭ اقتوبە وبلىستىق فيليالى 51 مۇعالىمگە ەلىمىزدىڭ شيپاجايلارىنا جولداما بەردى. ولاردىڭ قاتارىندا ارنايى تۇزەتىلىم ورتالىقتارىنىڭ قىزمەتكەرلەرى, اۋىل مەكتەپتەرىندە ۇزاق جىل ەڭبەك ەتىپ كەلە جاتقان تاجىريبەلى ۇستازدار بار.
ماسەلەن, كاسىپوداق جولداماسىمەن العا اۋدانىنان – بەس, ايتەكە بي اۋدانىنان – ءۇش, بايعانين اۋدانىنان – ءتورت, قارعالى اۋدانىنان – ەكى, قوبدا اۋدانىنان – ەكى, مارتوك اۋدانىنان ءتورت مۇعالىم تابيعاتى جايلى «مەركە» شيپاجايىن- دا تىنىعىپ كەلەتىن بولدى. ءبىلىم كاسىپوداعى مەكتەپ مۇعالىمدەرىمەن قوسا قوسىمشا ءبىلىم بەرۋ ۇيىمدارىندا ەڭبەك ەتىپ جۇرگەن 19 ادىسكەرگە «دەنساۋلىق» شيپاجايىنا جولداما تاپسىردى.
مەكتەپ جاسىنداعى بالالاردى شىعارماشىلىققا باۋلىپ, ولاردىڭ بويىنداعى قابىلەتتەرىن اشىپ, تۇلعالىق جاعىنان جەتىلدىرۋدە قوسىمشا ءبىلىم بەرۋ مەكەمەلەرىنىڭ ۇلەسى قانداي زور بولسا, دەنساۋلىعىندا كىناراتى بار بالالارعا ارنالعان مەكەمە قىزمەتكەرلەرىنىڭ سىرت كوزگە بايقالمايتىن ەڭبەگى وتە كۇشتى.
بۇل جولى كاسىپوداق جولداماسى توعىز اۋدانداعى پسيحولوگيالىق-پەداگوگيكالىق تۇزەتىم كابينەتى, سويلەۋ تىلىندە كۇردەلى بۇزىلىستارى بار بالالارعا ارنالعان بالاباقشا, وبلىستىق جانە قالالىق پسيحولوگيالىق-مەديتسينالىق-پەداگوگيكالىق كەڭەس بەرۋ ۇيىمى, وڭالتۋ ورتالىعىنىڭ بىرنەشە ادىسكەرىنە بەرىلدى.