«ورتالىق ازيا + اراب مەملەكەتتەرىنىڭ ىنتىماقتاستىق كەڭەسى» ءسامميتى اياسىندا پرەزيدەنت قاسىم-جومارت توقاەۆ تاجىكستان پرەزيدەنتى ەمومالي راحمونمەن كەزدەسۋ وتكىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ەكى ەل باسشىلارى قازاقستان مەن تاجىكستان اراسىنداعى قارىم-قاتىناستاردىڭ دامۋ قارقىنى جوعارى ەكەنىن اتاپ ءوتىپ, ەمومالي راحموننىڭ بيىل مامىر ايىندا استاناعا جاساعان مەملەكەتتىك ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن قاراستىردى.
اڭگىمەلەسۋ بارىسىندا ساۋدا-ەكونوميكالىق بايلانىستار مەن مادەني-گۋمانيتارلىق ىنتىماقتاستىقتى ودان ءارى نىعايتۋعا ەرەكشە نازار اۋدارىلدى.سونىمەن قاتار تاراپتار وڭىرلىك جانە حالىقارالىق كۇن تارتىبىندەگى ماسەلەلەر جونىندە پىكىر الماسىپ, الداعى كەزدەسۋلەر كەستەسىن تالقىلادى.