تۇركيانىڭ «بەشيكتاش» كلۋبى قازاقستان ۇلتتىق قۇراماسى مەن ماسكەۋدىڭ تسسكا كومانداسىندا دوپ تەبەتىن باقتيار ءزاينۋتدينوۆتى ءوز قاتارلارىنا قوسىپ الۋدى كوزدەپ وتىر.
جەرگىلىكتى «Takvim» باسىلىمىنىڭ مالىمەتى بويىنشا, ىستانبۇل ۇجىمى وتانداسىمىز ءۇشىن ماسكەۋ كلۋبىنا 6 ملن ەۋرو جانە وتەماقى رەتىندە قوسىمشا بونۋس ۇسىنعان. دەگەنمەن تسسكا باسشىلىعى ءوز كلۋبىنىڭ كوشباسشى فۋتبولشىلارىنىڭ ءبىرى سانالعان ءزاينۋتدينوۆتى تۇركيا كومانداسىنا جىبەرگىسى كەلمەي وتىر. باقتيار مەن تسسكا اراسىنداعى كەلىسىمشارت مەرزىمى 2025 جىلى اياقتالادى.
2020 جىلى ماسكەۋلىك ۇجىمنىڭ قاتارىنا قوسىلعان جەرلەسىمىز ءۇش جىلدىڭ ىشىندە فۋتبولدان رەسەي چەمپيوناتىنىڭ كۇمىس جۇلدەسى مەن رەسەي كۋبوگىن جەڭىپ العان. ايتا كەتەيىك, تۇركيا فۋتبولىنىڭ جاڭا زاڭى بويىنشا قازاقستان فۋتبولشىلارى انادولى ەلىندە لەگيونەر بولىپ ەسەپتەلمەيدى.