بالالارعا ارنالعان تولەم كارتاسى

قازىر قازاقستاندا كەم دەگەندە 7 بانك بالالاردىڭ تولەم كارتالارىن ۇسىنادى: Jusan Bank, Halyk Bank, Kaspi.kz, ForteBank, Bank RBK, Altyn Bank جانە «بانك تسەنتركرەديت».

مامانداردىڭ ايتۋىنشا, بالانى بانك كارتاسىمەن ەرتە باس­تان تانىستىرعان دۇرىس. بۇل بالا­نىڭ ومىردە كەزدەسەتىن قارجى­لىق قىزمەتتەر الەمىنە العاشقى قادامى بولماق. دۇكەندە تولەم جاساۋ ءۇشىن تاپقان اقشانىڭ ءبىر بولىگىن بالالار كارتاسىنا اۋدارىپ قويۋعا بولادى. سونداي-اق كارتا بولسا, بالالار بانكتە دەپوزيت اشىپ, جيناقتارىن كوبەيتىپ, شوتتاعى اقشانىڭ قالاي كوبەيىپ جاتقانىن كورىپ وتىرادى. بۇل – قارجىلىق ساۋاتتىڭ الىپپەسى.

«بالالاردىڭ تولەم كارتا­لا­رى اقشامەن جۇمىس ىستەۋ داع­دىلارىن دامىتۋعا, قاراجاتىن باس­قارۋدا ءوز بەتىنشە شەشىم قا­بىلداپ, جاۋاپكەرشىلىك الۋىنا كومەكتەسەدى. بۇل ءوز كەزەگىندە قار­جىلىق ساۋاتتى ارتتىرادى», دەيدى Ranking ساراپشىلارى.

«بالالار ءۇشىن بانك كارتاسى – ەرەسەك ادامنىڭ اتريبۋتى. كارتالاردى 6 جاستان 14 جاس­قا دەيىنگى جاس وتانداستارىمىز ءۇشىن اتا-اناسىنىڭ نەگىزگى كارتاسىنا قوسىمشا كارتا تۇرىندە, ال 14 جاستان باستاپ اتا-اناسىنىڭ كەلىسىمىمەن نەگىزگى كارتا تۇرىندە الۋىنا بولادى», دەپ تۇسىندىرەدى Ranking.

بالالار ءۇشىن Jusan Bank-تە – Jusan Family, Halyk Bank-تە – Halyk Easy, Kaspi.kz-تە – بالالارعا ارنالعان Kaspi Gold, ForteBank-تە – Forte بالالار كارتاسى, Bank RBK-دا – RBK ميني-بانك كارتاسى, Altyn Bank-تە – Altyn-i بالالار كارتاسى, «بانك تسەنتركرەديتتە» – Junior بالالار كارتاسى قولجەتىمدى. 

بالالارعا ارنالعان بانك كار­تالارىنىڭ نەگىزگى ارتىق­شى­لىق­تارى مىنالار:

تاجىريبە كورسەتكەندەي, بالالار ادەتتە قالتاسىنداعى قولما-قول اقشاعا قاراعاندا كارتانى سيرەك جوعالتادى;

ەگەر كارتا جوعالسا, ونى تەز بلوكتاۋعا (وسىلايشا شوتتاعى اقشانى ساقتاپ قالاسىز), سودان كەيىن قايتا شىعارۋعا بولادى. ال جوعالعان قولما-قول اقشانى قايتارۋ قيىن;

كارتامەن تولەگەن جاعدايدا قايتارىم اقشانى قاتە ەسەپتەپ قويۋ قاۋپى جوق;

قاجەت بولعان جاعدايدا, اتا-انا بالا قايدا بولسا دا, كارتاعا اقشانى جىلدام اۋدارا الادى. مۇنى ءموبيلدى قوسىمشا, ونلاين-بانكينگ, بانكومات نەمەسە بانك بولىمشەسى ارقىلى جاساۋ مۇمكىندىگى بار;

بالا ءوز شىعىندارىن باس­قارۋدى ۇيرەنەدى;

كارتاداعى سۋرەتتەر جارقىن جانە ادەمى (مىسالى, مۋلتفيلم كەيىپكەرلەرى بەينەلەنگەن);

بانكتىڭ كەيبىر سەرىكتەس دۇ­كەندەرى بالالارعا ارنالعان تا­ۋارلار مەن قىزمەتتەرگە ارنال­­عان ءتۇرلى اكتسيالار, سونداي-اق كەش­بەك ۇسىنادى;

اتا-انالار كارتانىڭ بارلىق وپەراتسياسىن SMS نەمەسە push-حابارلاندىرۋلار نەمەسە بانكتىڭ ءموبيلدى قوسىمشاسى ارقىلى باقىلاي الادى;

اتا-انالار بانكوماتتان اقشا الۋعا, قولما-قول اقشاسىز تولەمدەرگە جانە ونلاين ساتىپ الۋعا ليميت پەن باسقا دا شەكتەۋ قويا الادى. بالالار ونلاين ساۋدا جاساماق بولعان سايىن ترانزاكتسيانى راستاۋ كودى بار حابارلاما كەلەدى

اتا-انالار كارتادان قولما-قول اقشا الۋعا جانە باسقا كار­تاعا نەمەسە شوتقا اقشا اۋدارۋعا ­تى­يىم سالا الادى.

2023 جىلدىڭ مامىر ايىنىڭ باسىندا ەلىمىزدە اينالىمداعى تولەم كارتاسىنىڭ سانى شامامەن 69 ملن-عا جەتىپ, ءبىر جىلدا بىردەن 17,6 پايىزعا كوبەيىپتى.

قازىرگى ۋاقىتتا ەلىمىزدە ءبىر تۇرعىنعا 3,5 كارتادان كەلەدى. نەبارى 5 جىلدىڭ ىشىندە اينا­لىمداعى كارتالار سانى 3,4 ەسە, ال ون جىلدا 5 ەسەدەن استام ءوستى. مۇنداي دەرەكتەر بىزدە جانە بۇكىل الەمدە تولەم كارتالارى سەك­تورىنىڭ دامۋىن جانە قول­ما-قول اقشاسىز تولەمدەرگە سۇ­را­نىستىڭ جوعارى ەكەنىن كورسەتەدى.