اسىل ت ۇلىك نەدەن قىرىلدى؟

«اسان» شارۋا قوجالىعى باش­ماچ­نوە اۋىلىندا ورنا­لاس­قان. جاي­سىز وقيعا 14 شىلدە كۇنى بو­لىپتى. قوجالىق يەسى تال­عات شوت­­با­قوۆتىڭ ايتۋىنا قا­­­را­­عاندا, شى­عىن بولعان مال­­دىڭ بار­­­لىعى – سيىرلار. ورىس­تە جا­يى­لىپ جۇر­گەن اسىل ت ۇلىك ءبىر-ءبىر جا­رىم ساعات ىشىندە كە­زە­گى­مەن قۇ­­لاپ, جات­قان جەرىنەن تۇر­­ماي قال­عان. «تەڭكيىپ-تەڭكيىپ جات­قان جانۋارلارعا قاراۋدىڭ ءوزى قورقىنىشتى ەدى. تۇقىمى – ابەر­دين انگۋس. بىلتىر «دەمەۋ» نە­سيە سەرىكتەستىگىنەن ون جىلعا 30 ملن تەڭگە نەسيە الىپ, 86 باس مال سا­تىپ العان ەدىك. بيىل مالىمىز جاق­سى تولدەپ, مەملەكەتتىڭ سۋبسي­دياسىنا ىلىگەمىز, قارى­زىمىزدى جە­ڭىل­دەتەمىز دەپ قۋانىپ وتىر ەدىك. ويدا جوق جەردەن وسىنداي كەساپاتقا جولىعىپ وتىرمىز. شارۋاشىلىقتاعى 120 باس قارا مالدىڭ 37-ءسى ءولدى. كۇنكورىس مالىمىزدىڭ ۇشتەن ءبىرى بۇلايشا اياق استىنان قىرىلىپ قالعانىن تۇسىنە الماي, دال بولىپ وتىرمىز. قازىرگى جاعدايدا بىزگە مەملەكەت كومەكتەسپەسە, جاعدايىمىز قيىنعا تۇسەدى. ولگەن سيىرلاردىڭ بۇزاۋىن باعىپ-قاعۋدىڭ ءوزى ۇلكەن شىعىن. جالپى, شارۋاشىلىقتى ۇستاپ تۇرۋدى, قاراماعىمداعى 3 جۇمىسكەرىمە قالاي ەڭبەكاقى تولەۋدى بىلمەي وتىرمىن», دەيدى سالى سۋعا كەتكەن شارۋا يەسى.

وڭىرلىك ۆەتەريناريا باسقارماسى باسشىسىنىڭ ورىنباسارى اسىلتاس تىلەۋباەۆ اتالعان ەلدى مەكەندە 37 باس مالدىڭ بەلگىسىز اۋرۋدان قىرىلعانىن راستادى. مال دارىگەرلەرى شارۋاشىلىقتان حابار تۇسىسىمەن وقيعا ورنىنا بارىپ, مال ولەكسەلەرىنەن ارنايى جاقپالار الىپ, كلينيكالىق جاعدايلارىن ءجىتى زەرتتەگەن.

«جانۋارلاردىڭ كلينيكالىق جاعدايلارىن زەردەلەي كەلە, ولاردىڭ اسا قاۋىپتى اۋرۋدان ولمەگەنىنە كوز جەتكىزدىك. ەگەر جۇقپالى ءارى اۋىر مال دەرتىنەن قىرىلسا, ادەتتە سىلەكەيى شۇبىرىپ, ەزۋىنەن قان كەتىپ ولەدى. بۇل جەردە ۆەتەرينارلار ەكى نۇسقانى ۇسىنىپ وتىر. ءبىرىنشىسى, جايىلىمداردا كەزدەسەتىن ءتۇرلى ۋلى ءشوپ پەن ساڭىراۋقۇلاق. جاڭبىردان سوڭ ۋلى وسىمدىكتەردىڭ قاۋلاپ شىعاتىنى ءمالىم. ەكىنشى نۇسقا – ەگىستىك جەرلەردە قولدانىلاتىن پەستيتسيدتەردىڭ اسەرى. ەلدى مەكەننىڭ ماڭايىندا ەگىن, كارتوپ ەگىلەدى. پەستيتسيدتەردىڭ اسەرى ەگىس تاناپتارىنان 3 مەترگە دەيىن جايىلۋى مۇمكىن. مال سول جەرلەردەگى ءشوپتى جەپ قىرىلۋى دا مۇمكىن. ماماندارىمىز مال ءورىسى مەن ەگىس تاناپتارىنان, سۋاتتاردان, ولەكسەلەردەن ارنايى اناليزدەر الدى. ونىڭ ناتيجەلەرى 15 كۇن ىشىندە بەلگىلى بولادى. سودان سوڭ عانا بۇل كەلەڭسىز جاعدايدىڭ سەبەبىن ايتا الامىز», دەيدى اسىلتاس ابىلاي ۇلى.

قازىرگى كۇنى ولگەن جانۋاردىڭ بارلىعى ارنايى پەشتە ورتەلگەن. بۇل – ىقتيمال ينفەكتسيالىق اۋرۋدىڭ الدىن الۋ قادامى دەپ ءتۇسىندىردى جاۋاپتى باسقارما وكىلدەرى. شارۋاشىلىقتاعى تاعى 4 مال ءالى دە اۋىرىپ تۇرعانى بايقالادى, سونىڭ ىشىندە بىرەۋىنىڭ جاعدايى ناشار. مال دارىگەرلەرى ارنايى ەم-دومدارىن جالعاستىرىپ جاتىر.