دەنساۋلىق ساقتاۋ مينيسترلىگى ۇلكەن فۋنكتسيونالدىلىق پەن قولجەتىمدىلىكتى ەسكەرە وتىرىپ, مەديتسينالىق العاشقى كومەك كورسەتۋ ءۇشىن ءدارى-دارمەك قوبديشاسىنىڭ قۇرامىن جاڭارتتى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
تۇركيا, گەرمانيا, اقش, وڭتۇستىك كورەيا جانە باسقا ەلدەردىڭ حالىقارالىق تاجىريبەسىن ەسكەرە وتىرىپ, ءدارى-دارمەك قوبديشاسىنىڭ قۇرامىنا كەلەسى زاتتار كىرەدى: داكە تاڭعىشتار (ستەريلدى جانە ستەريلدى ەمەس), ەلاستيكالىق بينتتەر, تاڭعىش پاكەت, مەديتسينالىق بۇلاسىر, دوعال قايشى, مەتالل, وكپەنى جاساندى جەلدەتۋگە ارنالعان قالتا ماسكاسى,تاڭۋعا ارنالعان كاسىنكا-بانداج, قۇتقارۋ كورپەسى, ءبىر رەتتىك مۇز پاكەتى, ىسقىرىق, شام, ءدارى-دارمەك قوبديشاسىنا ارنالعان فۋتليار, بلوكنوت, قارىنداش, دىمقىل مايلىقتار (انتيسەپتيكالىق), قولعاپتار, شەندەۋىشتەر جانە زارداپ شەككەن ادامعا مەديتسينالىق العاشقى كومەك كورسەتۋ بويىنشا پايدالانۋ جونىندەگى ۇسىنىمدار.
بۇيرىققا سايكەس ءدارى-دارمەك قوبديشاسى جەكە قاجەتتىلىكتەر مەن سۇرانىمدارعا سايكەس پايدالانۋشىنىڭ قالاۋى بويىنشا تولىقتىرىلۋى مۇمكىن.
ونەركاسىپتىك وبەكتىلەردە ءدارى-دارمەك قوبديشاسىنىڭ قۇرامى قولدانۋ جونىندەگى نۇسقاۋلىقتى قوسا بەرە وتىرىپ, زياندى نەمەسە قاۋىپتى وندىرىستىك فاكتورلارعا بايلانىستى زارداپ شەككەن ادامنىڭ دەنەسىنىڭ زارداپ شەككەن ۋچاسكەسىن شۇعىل وڭدەۋگە ارنالعان قۇرالدارمەن (انتيدوتتارمەن) تولىقتىرىلادى.
ءدارى-دارمەك قوبديشاسىنىڭ جاڭا قۇرامى قر دەنساۋلىق ساقتاۋ ءمينيسترىنىڭ 2023 جىلعى 10 شىلدەدەگى بۇيرىعىمەن بەكىتىلگەن.