توتەنشە جاعدايلار ءمينيسترى سىرىم ءشارىپحانوۆ پاۆلودار وبلىسى «ەرتىس ورمانى» رەزەرۆاتىنداعى ورتكە قاتىستى سوڭعى مالىمەتتەردى جاريالادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«قازىر جاڭا كۇش كەلدى, جاعدايدى تولىق باقىلاۋعا الامىز. ءورتتىڭ وشاقتارى كونتۋر بويىنشا سوندىرىلەدى. اۆياتسيا تاڭەرتەڭنەن دايىن تۇر. تىكۇشاق ءىرى ءورت وشاقتارىن سوندىرۋگە جۇمىلدىرىلادى. تىكۇشاق ىركىلىسسىز جۇمىس ىستەۋى ءۇشىن وبلىس اكىمىنىڭ شەشىمىمەن جانار-جاعارماي بەكەتى ۇيىمداستىرىلدى. سول ارقىلى ۋاقىت ۇنەمدەلەدى, تيىسىنشە تىكۇشاق سۋدى مولىراق شاشادى. جالپى جاعداي باقىلاۋدا», دەدى سىرىم ءشارىپحانوۆ.