قر پرەمەر-ءمينيسترىنىڭ ورىنباسارى – ساۋدا جانە ينتەگراتسيا ءمينيسترىنىڭ بۇيرىعىمەن ايدار احمەتبەك ۇلى ابىلدابەكوۆ قازاقستان رەسپۋبليكاسى ساۋدا جانە ينتەگراتسيا مينيسترلىگى ساۋدا كوميتەتىنىڭ توراعاسى قىزمەتىنە تاعايىندالدى. بۇل تۋرالى ۇكىمەتتىڭ ءباسپاسوز قىزمەتى حابارلادى, دەپ جازادى Egemen.kz.
ايدار ابىلدابەكوۆ 1970 جىلى دۇنيەگە كەلگەن.
ە. بوكەتوۆا اتىنداعى قاراعاندى مەملەكەتتىك ۋنيۆەرسيتەتىن بىتىرگەن.
ەڭبەك جولىن 1996 جىلى كوممەرتسيالىق قۇرىلىمداردا باستادى, ساۋدا سالاسىندا كاسىپكەرلىك قىزمەتپەن اينالىستى.
1998-2009 جىلدارى قر كەدەن ورگاندارىندا ينسپەكتور, اعا ينسپەكتور, باس ينسپەكتور, كەدەن بەكەتى باستىعىنىڭ ورىنباسارى, ءبولىم باستىعى بولىپ قىزمەت اتقارعان.
2010-2022 جىلدارى قر ستاتيستيكا ورگاندارىندا جۇمىس ىستەگەن: قر ستاتيستيكا اگەنتتىگىنىڭ قىزمەت ستاتيستيكاسى باسقارماسىنىڭ باستىعى, الماتى قالاسى بويىنشا ستاتيستيكا دەپارتامەنتى باستىعىنىڭ ورىنباسارى بولدى, وڭتۇستىك قازاقستان جانە تۇركىستان وبلىسى, الماتى قالاسى بويىنشا ستاتيستيكا دەپارتامەنتتەرىن باسقاردى.
2022 جىلدىڭ اقپان ايىنان باستاپ قازىرگى ۋاقىتقا دەيىن قر ساۋدا جانە ينتەگراتسيا مينيسترلىگى ساۋدا كوميتەتى توراعاسىنىڭ ورىنباسارى قىزمەتىن اتقاردى.