ءونىم وتكىزۋ نارىعى الاڭداتادى

1999 جىلى اقتوبە قالالىق ءسۇت زاۋىتى نەگىزىندە قۇرىلعان «ايس-پليۋس» كومپانياسى ءسۇت, اشى­تىلعان ءسۇت ونىمدەرى مەن بال­مۇزداق شىعارادى. كومپانيا جىلدان-جىلعا قۋاتىن ارت­تىرىپ كەلدى. ماسەلەن, 2018 جىلى تاۋلىگىنە 20 تونناعا دەيىن بال­مۇزداق وندىرۋگە مۇمكىندىك بەرە­تىن يتالياندىق ءوندىرىس جەلىسىن ىسكە قوستى. 2020 جىلى بالمۇزداق تسەحى, 2021 جىلى سۇز­بە تسەحى جاڭعىرتىلدى.

كەزدەسۋدە ءماجىلىس دەپۋتاتتارى ۇجىم مۇشەلەرىمەن الداعى ۋاقىتتا قارالاتىن زاڭدار بويىن­شا پىكىر الماسىپ, جۇرت­شىلىقتىڭ ويىن ءبىلدى. ۇجىم مۇشەلەرى اۋىل شارۋاشىلىعى ونىمدەرىن وتكىزۋ نارىقتارىن كە­ڭەيتۋ ماسەلەسىن شەشۋدى جانە ىشكى نارىقتى قورعاۋ جونىندە شارالار قابىلداۋدى سۇرادى.

– ءبىز زاڭداردى حالىق ءۇشىن قابىلدايمىز جانە حالىقپەن بىرگە جازامىز. باستى ۇستانىمىمىز –  وسى. ماسەلەن, حالىقتىڭ قاجەتىن قاناعاتتاندىرۋ ماقساتىندا اۋىل شارۋاشىلىعى مينيسترلىگىنە, جالپى ۇكىمەتكە كوپتەگەن سۇراق قو­يىلىپ, مال شارۋاشىلىعىن دامىتۋعا قاتىستى دەپۋتاتتىق ساۋالدار جولداندى. قازىر اگرارلىق ماسەلەر جونىندەگى كوميتەتتە «ورگانيكالىق ءونىم ءوندىرۋ جانە ونىڭ اينالىمى تۋرالى» جانە كەيبىر زاڭنامالىق اكتىلەرگە جايىلىمداردى پايدالانۋ ماسە­لەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى قارالىپ جاتىر. ازىق-ت ۇلىك قاۋىپسىزدىگى ماسەلەلەرى بو­يىن­شا ەلىمىزدەگى جاڭا زاڭ جوباسىن ەكىنشى سەسسيادا ەنگىزۋ جوس­پار­لانىپ وتىر, – دەدى قازىبەك الى­شەۆ.

عالىمجان ەلەۋوۆ تۇرعىن­دار­مەن كەزدەسۋدە كوتەرىلگەن ماسە­لە­لەرگە توقتالدى. سونىڭ ىشىن­­دە «ەمبى-التىندى» تاس جو­لى­نىڭ جاعدايى, اقتوبەدەگى ءشي­لىساي مەكتەبى مەن قاندىاعاش, ەمبى قالاسىنداعى مەكتەپتەردىڭ قۇرى­لىسى دەپۋتاتتار باقى­لاۋىن­دا ەكەنىن جەتكىزدى. سونداي-اق العا قالاسى «پودحوز» ەلدى مەكە­­نىن­دەگى مەكتەپ ماسەلەسى دە شە­­شىلۋگە ءتيىس.

بۇگىندە «ايس-پليۋس» جشس «Amanat» پارتياسىنىڭ جول كارتاسى شەڭبەرىندە جالپى قۇنى 3 ملرد تەڭگە بولاتىن اۋىسىمىنا 50 توننا ءسۇت قۇيۋ تسەحىن اشۋ بو­يىن­شا ينۆەستيتسيالىق جوبانى جۇر­­­گىزىپ وتىر. قازىرگى ۋاقىتتا تسەح­تى قايتا قۇرۋ جانە قويمانىڭ قۇ­­رىلىس-مونتاج جۇمىستارى اياق­تالدى.

اقتوبە وبلىسى