دۇنيەجۇزىلىك اۋدارىسپاق فەدەراتسياسى قۇرىلدى

تۇڭعىش سەزگە قازاقستان, قىر­عىز­ستان, وزبەكستان, موڭعوليا, رەسەي, قى­تاي, ما­جارستان وكىلدەرى قاتىستى.

اتالعان جيىنعا قاتىسۋشىلار ات ۇس­­­­­تىندەگى كۇرەس (اۋدارىسپاق) دۇنيە­جۇ­زى­­­لىك فەدەراتسيانىڭ رەسمي قۇرىل­عانى جو­نىندە مالىمدەپ, الماتى قالاسى فە­دە­را­تسيانىڭ شتاب پاتەرى رەتىندە بە­كى­­گە­نىن حابارلادى. سونداي-اق قاتى­سۋ­­شى مەم­لەكەت وكىلدەرى ات ۇستىندەگى كۇ­رەس­ (اۋدارىسپاق) دۇنيەجۇزىلىك فە­دە­را­تسيا­سىنىڭ پرەزيدەنتىگىنە قازاق­ستان رەس­پۋب­ليكاسى اۋدارىسپاق فەدەرا­تسيا­سى­نىڭ پرەزيدەنتىگىنە «اtasu Group» كوم­پانيا­سىنىڭ باسشىسى مارات جۇماندى سايلادى.

سەزگە ارنايى قاتىسقان ۇلتتىق سپورت قاۋىمداستىعىنىڭ پرەزيدەنتى يسلام­بەك سالجانوۆ ايتۋلى شارانىڭ ما­ڭىز­ىنا توق­تالدى.

– بۇگىن – ەلىمىزدىڭ ۇلتتىق سپورت تاري­حىنداعى ماڭىزدى كۇندەردىڭ ءبىرى. ۇلت­تىق سپورتىمىز اۋدارىسپاق ويىنىن الەم­­دىك دارەجەگە كوتەرەر ءسات تۋدى. رە­سەي, قىتاي, موڭعوليا, قىرعىزستان, وز­بەكستان,  ماجارستانمەن بىر­لەسە اۋدارىسپاق سپورتىن دامىتىپ دۇ­نيەجۇزىنە تانىتاتىن بولامىز! بارشا­ڭىزعا بەلگىلى, كەلەسى جىلى ەلىمىزدە V دۇ­نيە­جۇزىلىك كوشپەلىلەر ويىندارى وتەدى. كوشپەلىلەر ۇرپاعى سانالاتىن بىزدەر بۇل شارانى وتە جوعارى دەڭگەيدە وتكىزۋى­مىز كەرەك. بۇل ماسەلە مەملەكەت باسشىسى قاسىم-جومارت توقاەۆتىڭ دا ءجىتى نازارىندا. كوشپەلىلەر ويىندارىن ءتيىستى دارەجەدە وتكىزۋ ماسەلەسىندە ۇلتتىق سپورت قاۋىمداستىعى وزىنە قاراستى فەدەراتسيا­لارمەن بىرلەسە جۇيەلى جۇمىستاردى باستاپ كەتتى. بۇگىنگى دۇنيەجۇزىلىك اۋدارىس­پاق فەدەراتسياسىنىڭ قۇرىلۋى سونىڭ دالەلى دەپ بىلەمىن. وسى ورايدا, اتالعان سپورت­تىڭ دامۋى مەن وركەندەۋىندە تىنىمسىز ەڭبەك ەتىپ جۇرگەن اۋدارىس­پاق فە­دە­راتسياسى­نىڭ پرەزيدەنتى مارات جۇمان مىرزاعا ەرەكشە العىسىمدى بىلدىرە­مىن, – دەدى يسلام­بەك سالجانوۆ.

ءوز كەزەگىندە ات ۇستىندەگى كۇرەس­ (اۋدا­رىسپاق) دۇنيەجۇزىلىك فەدەرا­تسيا­سى­نىڭ جاڭا پرەزيدەنتى مارات جۇمان الدا ۇلكەن جۇمىس كۇتىپ تۇرعانىن مالىمدەدى.

بۇگىن بارشامىز الماتىنىڭ تورىن­دە اسا ماڭىزدى شاراعا جينالدىق. وسى ماڭىزدى باسقوسۋعا ءداستۇرلى ات سپور­تىن دا­رىپتەيتىن ەلدەردەن كەلگەن وكىل­دەر­گە, سونداي-اق ۇلتتىق سپورت قاۋىم­داس­تىعىنا ءوز ريزاشىلىعىمدى بىل­دى­رەمىن. بۇ­گىنگى جيىنىمىز قازاق ەلى ءۇشىن, ۇلت­تىق سپورتىمىز ءۇشىن تاريحي كۇن بولادى. الەمنىڭ الپاۋىت بىرنەشە مەملە­كەتىمەن بىرلەسىپ ات ۇستىندەگى كۇرەس دۇ­نيەجۇزىلىك فەدەرا­تسياسىن قۇرۋ ارقىلى ءبىز ۇلتتىق سپورتىمىزدى جاھانعا پاش ەتەمىز دەگەن ۇلكەن ­جوسپارىمىز بار. ءبىزدى الدا ۇلكەن جۇمىستار كۇتىپ تۇر. بولاشاق­تا فەدەراتسياعا مۇشە ەلدەرمەن بىرلەسە اتالعان سپورتتىڭ دامىپ, وركەندەۋىنە كۇش سالاتىن بولامىز, دەدى مارات قوجاحان ۇلى.

سونداي-اق جيىن بارىسىندا بىرىڭ­عاي ويىن ەرەجەلەرى بەكىتىلدى. نەگىزگى ەرەجە­لەر قازاقتىڭ ۇلتتىق سپورتى اۋدارىسپاق­تان الىندى. ودان بولەك, سپورتشىلار­دىڭ سالماق دارەجەلەرى قابىلدانىپ, الدا وتەتىن جارىستاردىڭ كۇنتىزبەلىك جوس­پارى بەكىتىلدى. حالىقارالىق ويىنداردى ءادىل وتكىزۋ ماقساتىندا مىندەتتى تۇردە VAR (بەي­­نەباقىلاۋ) قويىلۋ مىندەتتەلدى.

جيىن سوڭىندا قىرعىزستان وكىلدەرى جاڭا بەكىتىلگەن بىر­ىڭعاي ويىن ەرەجەلەرى بويىنشا العاشقى الەم چەمپيوناتىن وسى جىلدىڭ قىركۇ­يەك ايىندا ىستىقكولدە وتكىزۋدى ۇسىندى. بۇل باستامانى قاتىسۋشى ەلدەر ءبىر­اۋىزدان ماقۇلدادى.

الماتى