2023 جىلعى 1 قاڭتاردان باستاپ سالىق كودەكسىنىڭ 746-بابىنىڭ 1-تارماعىنا ەنگەن تۇزەتۋلەرگە سايكەس قاتتى پايدالى قازبالارعا پايدالى قازبالاردى وندىرۋگە سالىناتىن سالىق ستاۆكالارى ۇلعايتىلدى, دەپ حابارلايدى Egemen.kz قر قم مەملەكەتتىك كىرىستەر كوميتەتىنىڭ ءباسپاسوز قىزمەتىنە سىلتەمە جاساپ.
دالىرەك ايتقاندا:
بيرجالىق مەتالدار بويىنشا 50%-عا (التىن, كۇمىس, اليۋميني, مىس, مىرىش, ۋران); بيرجادان تىس جەكەلەگەن مەتالدار بويىنشا (تەمىر/تەمىر رۋداسى, حروم جانە حروم رۋداسى, مارگانەتس جانە تەمىر-مارگانەتس رۋداسى, پلاتينا, ۆانادي, ۆيسمۋت, مىشياك, ۆولفرام, پاللادي, قالايى, نيكەل, تيتان, ماگني, كوبالت, سۋرما) 30%-عا ۇلعايتىلدى.سونداي-اق مەملەكەت باسشىسىنىڭ 2022 جىلعى 11 قانتارداعى تاۋ-كەن سەكتورىنىڭ جاڭا كەن ورىندارىن بارلاۋ جانە يگەرۋ ءۇشىن قوسىمشا جەڭىلدىكتەردى پىسىقتاۋ قاجەتتىگى تۋرالى تاپسىرماسىن ورىنداۋ شەڭبەرىندە سالىق كودەكسىنىڭ 746-بابىنىڭ 3-تارماعىندا كوزدەلگەن شارتتاردى ءبىر مەزگىلدە ساقتاي وتىرىپ, ونەركاسىپتىك ءوندىرۋ باستالعان ساتتەن باستاپ الپىس اي (5 جىل) ىشىندە پايدالى قازبالاردى وندىرۋگە سالىناتىن سالىق بويىنشا 0 پايىز مولشەرلەمەسىن قولدانۋ كوزدەلگەن.
ەگەر تاۋ-كەن سەكتورىنىڭ كەن ورنى بويىنشا (جەر قويناۋىن پايدالانۋعا ارنالعان ءبىر كەلىسىمشارت بويىنشا كەن ورىندارىنىڭ توبىنا, كەن ورنىنىڭ ءبىر بولىگىنە) رەنتابەلدىلىك دەڭگەيى 5 پايىز جانە ودان از بولعان جاعدايدا, قازاقستان رەسپۋبليكاسىنىڭ ۇكىمەتى ايقىنداعان ولشەمشارتتارعا سايكەس كەلگەن كەزدە, 2022 جىلعى 31 جەلتوقسانداعى جاعداي بويىنشا سالىق كودەكسىندە بەلگىلەنگەن پايدالى قازبالاردى وندىرۋگە سالىناتىن سالىق ستاۆكالارىن قولدانۋ قۇقىعى بەرىلدى.
سالىق كودەكسىنىڭ 745-بابىنىڭ 6-تارماعىنا مينەرالدىق شيكىزاتتى ساتۋ تولىق بولماعان كەزدە كەن ورنىندا ەسەپتەن شىعارىلعان قورلار قۇرامىنان الىناتىندارىن (ىسىراپتاردى قايتارۋ) قوسپاعاندا, پايدالى قازبالارى بار مينەرالدىق شيكىزاتتىڭ قۇنىن ايقىنداۋ ماقساتىندا وزگەرىستەر ەنگىزىلدى.