8 شىلدە كۇنى قازاقستان اۋماعىنىڭ باسىم بولىگىندە قولايلى مەتەورولوگيالىق جاعداي ساقتالادى, دەپ حابارلايدى Egemen.kz.
«قازگيدرومەت» رمك ءباسپاسوز قىزمەتىنىڭ مالىمەتىنە سەنسەك, 8 شىلدە, سەنبى كۇنى ەلىمىزدەگى قالالاردىڭ باسىم كوپشىلىگىندە مەتەورولوگيالىق احۋال بىرقالىپتى بولادى.
تەك اقتوبە, اتىراۋ جانە استانا قالالارىندا عانا اۋا ساپاسى ءبىرشاما ناشارلايدى.
قولايسىز مەتەورولوگيالىق جاعداي - اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى, جەڭىل جەل, تۇمان, ينۆەرسيا) جيىنتىعى.
قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.