پرەمەر-ءمينيستردىڭ ورىنباسارى-قارجى ءمينيسترى ەرۇلان جاماۋباەۆتىڭ بۇيرىعىمەن انۋار سۋلەيمەنوۆ مەملەكەتتىك كىرىستەر كوميتەتى توراعاسىنىڭ ورىنباسارى لاۋازىمىنا تاعايىندالدى, دەپ حابارلايدى Egemen.kz.
بۇگىن قازاقستان رەسپۋبليكاسى قارجى مينيسترلىگىنىڭ اپپارات باسشىسى ەرعالي ەگەمبەردى جاڭادان تاعايىندالعان مەملەكەتتىك كىرىستەر كوميتەتى توراعاسىنىڭ ورىنباسارى انۋار سۋلەيمەنوۆتى مەملەكەتتىك كىرىستەر كوميتەتىنىڭ باسشىلىق قۇرامىنا تانىستىردى.
سۋلەيمەنوۆ انۋار 1986 جىلعى 24 مامىردا تالدىقورعان قالاسىندا دۇنيەگە كەلگەن.
ءبىلىمى جوعارى, جولداسبەكوۆ اتىنداعى ەكونوميكا جانە قۇقىق اكادەمياسىن «قارجى» ماماندىعى بويىنشا, تۇران ۋنيۆەرسيتەتىن «قۇقىق» ماماندىعى بويىنشا تامامداعان.
ەڭبەك جولىن 2008 جىلعى قازان ايىندا الماتى وبلىسى بويىنشا سالىق كوميتەتىندە جەتەكشى مامان قىزمەتىنەن باستاعان.
2010 جىلعى شىلدەدەن باستاپ الماتى قالاسى بويىنشا مەملەكەتتىك كىرىستەر دەپارتامەنتىنىڭ ءتۇرلى قۇرىلىمدىق بولىمشەلەرىندە جەتەكشى مامان, باس مامان, ءبولىم باسشىسى, باسقارما باسشىسى بولىپ جۇمىس ىستەگەن.
2019 جىلعى ماۋسىمنان باستاپ قر قم مەملەكەتتىك كىرىستەر كوميتەتىنىڭ قاشىقتان مونيتورينگ باسقارماسىنىڭ باسشىسى, 2021 جىلعى تامىز ايىنان باستاپ اكىمشىلەندىرۋ دەپارتامەنتىنىڭ ديرەكتورى, 2021 جىلعى تامىز ايىنان باستاپ ءىرى سالىق تولەۋشىلەر دەپارتامەنتىنىڭ ديرەكتورى.