پرەزيدەنت قاسىم-جومارت توقاەۆ استانانىڭ 25 جىلدىق مەرەيتويىنا ارنالعان باۋىرلاس قالالار فورۋمىندا ەرەكشە قاجەتتىلىگى بار ازاماتتارعا ارنالعان قالا ينفراقۇرىلىمىنىڭ قولجەتىمدىلىگىن ارتتىرۋ تۋرالى ايتتى, دەپ حابارلايدى Egemen.kz.
ء«بىلىم بەرۋ, دەنساۋلىق ساقتاۋ نىساندارى, مادەني-دەمالىس مەكەمەلەرى, ساياباقتار مەن قوعامدىق ورىندار قالانىڭ بارلىق تۇرعىنىنا بىردەي قولجەتىمدى بولۋعا ءتيىس. اسىرەسە, ەرەكشە قاجەتتىلىگى بار ازاماتتارعا ارنالعان قالا ينفراقۇرىلىمىنىڭ قولجەتىمدىلىگىن ارتتىرۋ كەرەك. بۇل باعىتتاعى جۇمىستاردى ءالى دە جەتىلدىرە ءتۇسۋ قاجەت. ونى مويىنداۋىمىز كەرەك», دەدى مەملەكەت باسشىسى.وسى رەتتە ول ەلوردا قالا تۇرعىندارىنا عانا ەمەس, ەلىمىزدىڭ بارشا ازاماتىنا مول مۇمكىندىك بەرىپ وتىرعانىن ايتتى.
«استانادا الەمدىك دەڭگەيدەگى كلينيكالارى بار مەديتسينالىق كلاستەر قالىپتاستى. مۇندا كۇردەلى وپەراتسيالار جاسالادى, قازاقستاننىڭ ءار ايماعىنان كەلگەن ناۋقاستارعا جوعارى دەڭگەيدە مەديتسينالىق قىزمەت كورسەتىلەدى. ءبىز قالا اۋداندارىن دامىتۋ ىسىندەگى تەڭسىزدىكتى جوسپارلى تۇردە جويۋىمىز كەرەك», دەدى ق.توقاەۆ.