NIS جەلىسىندە ون جىلدان استام ۋاقىت جالعاسىپ, داستۇرگە اينالعان «تۋعان ەلگە تاعزىم» ولكەتانۋ جانە عىلىمي-زەرتتەۋ ەكسپەديتسياسى – وقۋشىلاردىڭ اكادەميالىق وقۋ مەن عىلىمي جوبالىق ءىس-ارەكەتتەرىن بىرىكتىرۋدى جۇزەگە اسىرۋعا ارنالعان بىرەگەي ەكسپەريمەنتالدى الاڭ.ء ار ءوڭىردىڭ وقۋشىلارى ەكسپەديتسيانىڭ بارىسىندا تۋعان ولكەسىنىڭ كورنەكتى جەرلەرىن ارالاپ قانا قويماي, عىلىمي جوبالار پورتفوليولارىن قۇندى اقپاراتتارمەن, زەرتتەۋلەرمەن تولىقتىرادى, دەپ حابارلايدى Egemen.kz.
الماتى قالاسىنداعى حيميا-بيولوگيا باعىتىنداعى زياتكەرلىك مەكتەبى «تۋعان ەلگە تاعزىم» جازعى ولكەتانۋ-زەرتتەۋلىك ەكسپەديتسياسى بويىنشا ىلە الاتاۋ ءوڭىرىنىڭ كورنەكتى نىساندارىنا جورىققا شىقتى. ءبىر اپتاعا سوزىلعان ەكسپەديتسياعا مەكتەپتىڭ ۇزدىك وقۋشىلارى ىرىكتەلىپ الىنعان.
ولكەنى ارالاپ قانا قويماي عىلىمي زەرتتەۋ جۇرگىزگەن وقۋشىلار ەكسپەديتسيا بارىسىندا تۋىنداعان يدەيالاردى ورتاعا سالدى.
ارلان قوسان, 9-سىنىپ وقۋشىسى: سارقىراماعا بارار جولدىڭ جاعدايىنا قاراپ, «ەكوتۋريزم» تاقىرىبىندا موبيلدىك قوسىمشانى ازىرلەۋ ويى كەلدى. ياعني عىلىمي جوبامىزدىڭ ماقساتى - قازاقستانداعى ەكوتۋريزمدى دامىتۋ جولدارىن قاراستىرۋ.
ارسلان بازارباي, 9-سىنىپ وقۋشىسى: تۇرگەن شاتقالىندا ورنالاسقان ايۋلى سارقىراماسىنا اپارار جولدىڭ ساپاسى وتە ناشار, ۇيىلگەن تاستار جاياۋ جۇرگىنشىگە بوگەت جاسايدى. وكىنىشكە قاراي بۇل جولمەن ءجۇرۋ ەگدە نە مۇمكىندىگى شەكتەۋلى جاندارعا قيىندىق تۋىنداتادى. ءبىزدىڭ توپ وسى تۋرالى ويلاپ, ونلاين-ەكسكۋرسيالاردى ۇيىمداستىرۋ كەرەك دەگەن شەشىمگە كەلدى. ادام VR-كوزىلدىرىك كيىپ, ءوزىن سول جەردەگىدەي سەزىنە الادى. بۇل عالامتوردان سۋرەتتەردى قاراعاننان الدە قايدا قىزىعىراق ەمەس پە؟! جوبامىز بەلگىلى ءبىر شەكتەۋلەرى بار ادامدارعا كومەكتەسىپ, ءتۋريزمدى دامىتادى. جوبامىزدى ىسكە اسىرۋ ءۇشىن كەرەكتى جەرگە بارىپ, بارلىق ايماقتى 360⁰ جاساپ ءتۇسىرۋ, جانە ونى ارنايى باعدارلاماعا سالىپ, VR-كوزىلدىرىكتەر ءۇشىن قولدانىسقا جارامدى سۋرەتتەردى شىعارىپ, ونلاين ەكسكۋرسياعا دايارلاۋ كەرەك. ونى ءارى قاراي دامىتۋ ءۇشىن سايت جاساۋدى كوزدەپ وتىرمىز.
ماريام سىروۆا, 7-سىنىپ وقۋشىسى: ەكسپەديتسيا اياسىندا ءبىز شارىن شاتقالى, قايىڭدى كولى مەن كولساي, سونداي-اق تۇرگەن شاتقالىنا كىرەتىن ەكو-تۋريستىك كەمپينگتەرگە باردىق. ماعان تۇرگەن شاتقالىندا ورنالاسقان ايۋ سارقىراماسى قاتتى ۇنادى. ويتكەنى وندا قازاقستان لاندشافتىنىڭ سۇلۋلىعىنان ءلاززات الىپ قانا قويماي, سارقىرامادان سۋدىڭ تەمپەراتۋراسى مەن سۋتەگى كورسەتكىشىن زەرتتەۋ ارقىلى ءوزىمنىڭ داعدىلارىمدى جەتىلدىردىم. ءبىز ءۇشىن ءارتۇرلى سۋ قويمالارىنداعى سۋدىڭ قايناۋ تەمپەراتۋراسى بىردەي ەمەس ەكەنى جاڭالىق بولدى.
سونىمەن قاتار 7-9 سىنىپ وقۋشىلارى ايماقتىڭ فلوراسى مەن فاۋناسىن زەرتتەدى, تۋرگەن, قايىڭدى, كولساي سۋ قويمالارىنداعى سۋدىڭ جاي-كۇيىن ءبىلدى, رن, قاتتىلىق كورسەتكىشتەرىن ولشەدى.
«ەكسپەديتسياعا اتتاناتىن وقۋشىلار جىل سايىن شامامەن 20-30-عا جۋىق جاڭا جوبا باستاپ, زەرتتەۋ جۇرگىزەدى. الەۋمەتتىك, تەحنيكا, يننوۆاتسيا سالاسىندا جاڭالىق اشىپ, رەسپۋبليكالىق دەڭگەيدە ءتۇرلى عىلىمي جوبالار بايقاۋىنا قاتىسادى», دەدى ەكسپەديتسيا ۇيىمداستىرۋشىسى, الماتى قالاسىنداعى حيميا-بيولوگيا باعىتىنداعى زياتكەرلىك مەكتەپ ديرەكتورىنىڭ ورىنباسارى لاۋرا قىزداربەكوۆا.