ىلە-بالقاش مەملەكەتتىك تابيعي رەزەرۆاتى اۋماعىندا تۇتانعان دالا ءورتىن ءسوندىرۋ جۇمىستارى جالعاسىپ جاتىر, دەپ حابارلايدى Egemen.kz توتەنشە جاعدايلار مينيسترلىگىنە سىلتەمە جاساپ.
ء«ورت سوندىرۋشىلەر مەن جەرگىلىكتى اتقارۋشى ورگانداردىڭ بىرلەسكەن كۇشىمەن ىلە-بالقاش رەزەرۆاتى اۋماعىندا ورىن العان (كىشىگىرىم ارالداردا جانە كىرمە جولدارى جوق جەتۋى قيىن باتپاقتى جەرلەردە) ءورتتىڭ تارالۋ اۋماعىن 100 گەكتارعا دەيىن ازايتۋعا مۇمكىن بولدى.
توتەنشە جاعدايلار دەپارتامەنتى جانە «ىلە-بالقاش» مەملەكەتتىك تابيعي رەزەرۆاتى» رمم كۇشتەرى جاياۋ جۇرە وتىرىپ, 5-كۆارتالدا ورتپەن كۇرەسۋدە. قول شانتس قۇرالدارى مەن موتوپومپالار پايدالانىلىپ جاتىر.
سونداي-اق باقاناس ورمان شارۋاشىلىعى ۋچاسكەلەرىندە جالىننىڭ ءوتۋىن بولدىرماۋ ءۇشىن ورمان شارۋاشىلىعى كۇشتەرىمەن جەر جىرتۋ جۇرگىزىلىپ جاتىر.
ەلدى مەكەندەرگە قاۋىپ جوق», دەلىنگەن مالىمەتتە.