ماجىلىستە جۋرناليستەرگە ارنالعان «پارلامەنت ءسوزى» سىيلىعىنىڭ قورىتىندىسى جاريالانىپ, ارناۋلى اتالىمدار بويىنشا جەڭىمپازدار انىقتالدى.
قۇرامىندا ءماجىلىس دەپۋتاتتارى مەن مەملەكەتتىك ورگان وكىلدەرى كىرەتىن كوميسسيا شەشىمى بويىنشا وسى جىلى جەڭىمپازدار جەتى اتالىم بويىنشا سايىسقا ءتۇستى. بيىل پارلامەنتتىك سىيلىق سەگىزىنشى رەت تاپسىرىلىپ وتىر.
ءماجىلىس توراعاسى ەرلان قوشانوۆ «پارلامەنت ءسوزى» سىيلىعىنىڭ جەڭىمپازدارى مەن بارشا بۇقارالىق اقپارات قۇرالدارى وكىلدەرىن كاسىبي مەرەكەمەن قۇتتىقتادى.
«جۋرناليستەر كۇنى تەك سىزدەردىڭ عانا مەرەكەلەرىڭىز ەمەس, بۇل – كۇللى قوعامنىڭ مەرەكەسى. سەبەبى قوعامدى سىزدەرسىز, باق وكىلدەرىنسىز ەلەستەتۋ مۇمكىن ەمەس. ءبىزدىڭ جۇمىستى ناسيحاتتاپ, ەلگە زاڭداردىڭ ءمانىن تۇسىندىرەتىن دە سىزدەر. سول ءۇشىن شىنايى ريزاشىلىعىمدى بىلدىرەمىن. بارشاڭىزعا زور دەنساۋلىق, باق-بەرەكە جانە شىعارماشىلىق تابىس تىلەيمىن», دەدى پالاتا سپيكەرى.
Cالتاناتتى جيىندا «پارلامەنتتىك جۋرناليستيكانى دامىتۋعا قوسقان ۇلەسى ءۇشىن» اتالىمىندا «زاڭ» گازەتىنەن ايشا تۇرماعانبەتوۆا, «جەتىنشى ارنا» تەلەارناسىنان ايبەك قوبداباي جەڭىسكە جەتتى. «ۇزدىك باسپا جاريالانىمى ءۇشىن» اتالىمىن «ليتەر» گازەتىنەن جاننات ويشىباەۆا, «نوۆوە پوكولەنيە» گازەتىنەن ولگا شيشانوۆا يەلەندى. «ۇزدىك تەلەۆيزيالىق سيۋجەت ءۇشىن» اتالىمى «Qazaqstan» ۇلتتىق ارناسىنان دارىن ساعيتوۆ, «Jibek Joly» تەلەارناسىنان ءانۋار كاربوزوۆ, «Atameken Business» تەلەارناسىنان فاريزا بولاتبەكقىزىنا تابىستالدى.
ال «ۇزدىك بەينەسۋرەت ماتەريالى ءۇشىن» اتالىمىن «كۋرسيۆ» گازەتىنەن اسقار احمەتۋللين, «31 ارنا» تەلەارناسىنان نۇركەن توقمۋرزين يەلەندى. «ۇزدىك ينتەرنەت جانە راديو ماتەريالى ءۇشىن» اتالىمىن «قازاقپارات» حالىقارالىق اقپاراتتىق اگەنتتىگىنەن رۋسلان عاپباسوۆ, «قازاق راديوسىنان» جانبولات شاكىم, «Zakon.kz» سايتىنان وكسانا دايروۆا الدى. «ارنايى رەپورتاج» اتالىمى بويىنشا ء«ماجىلىس Live» باعدارلاماسىنان جادىرا مەدەتبەكوۆا, «سۇراۋى بار» YouTube ارناسىنان ەربول سەيىلحان, «Ulysmedia.kz» اقپاراتتىق اگەنتتىگىنەن ايان ورىباەۆ ماراپاتتالدى. سونداي-اق «پارلامەنت ءسوزى» ارنايى سىيلىعى اتالىمى «استانا» تەلەارناسى مەن «Qazcontent» اكتسيونەرلىك قوعامىنىڭ ۇجىمىنا تابىستالدى.