استانادا وتەدى دەپ جوسپارلانعان بوكستان جاستار مەن جاسوسپىرىمدەر اراسىنداعى ازيا چەمپيوناتى كەيىنگە قالدىرىلدى. بۇل تۋرالى ازيا بوكس كونفەدەراتسياسىنىڭ (ASBC) ءباسپاسوز قىزمەتى حابارلادى, دەپ جازادى Egemen.kz.
2023 جىلعى جاستار مەن جاسوسپىرىمدەر اراسىنداعى ازيا چەمپيوناتى 14-30 شىلدە ارالىعىندا استانادا ءوتۋى ءتيىس بولعان.
چەمپيوناتتىڭ جاستار بولىمىندە 2005 جانە 2006 جىلى تۋعان بوكسشىلار, ال جاسوسپىرىمدەر ساناتىندا 2007 جانە 2008 جىلى تۋعان سپورتشىلار باق سىنايدى دەپ جوسپارلانعان ەدى.
كەشە بايراقتى دودانىڭ كەيىنگە شەگەرىلگەنى بەلگىلى بولدى. الايدا كونفەدەراتسيا قۇرلىق بىرىنشىلىگى نەگە كەيىنگە قالعانىن تۇسىندىرگەن جوق.