ءىس-شاراعا مەملەكەت باسشىسىنىڭ تاپسىرماسىمەن ءماجىلىس توراعاسى ەرلان قوشانوۆ قاتىستى, دەپ حابارلايدى Egemen.kz.
مەرەيتويعا ارنالعان جيىن اقىننىڭ تۋعان جەرى سولتۇستىك قازاقستان وبلىسى سارىتومار اۋىلىندا ءوتتى.
ەرلان قوشانوۆ اقىننىڭ جەرلەستەرىن مەرەيتويمەن قۇتتىقتاپ, مەملەكەت باسشىسىنىڭ قۇتتىقتاۋ حاتىن وقىپ بەردى.
«ماعجان جۇماباەۆ – قازاقتىڭ عانا ەمەس, تۇتاس تۇركى جۇرتىنىڭ ماقتانىشى. اقىننىڭ وتانعا دەگەن شەكسىز سۇيىسپەنشىلىككە تولى جىرلارى حالقىمىزدىڭ جۇرەگىنە جول تاۋىپ, رۋحانياتىمىزدىڭ التىن قورىنا ەندى. مەن تۇركىستاندا وتكەن ۇلتتىق قۇرىلتايدا جاستاردىڭ بويىنا ىزگى قاسيەتتەردى ءسىڭىرۋ قاجەتتىگىنە ەرەكشە توقتالدىم. بۇل ۇلتىمىزدىڭ جاڭا ساپاسىن قالىپتاستىرۋ ءۇشىن وتە ماڭىزدى. وسى ورايدا ماعجاندى تانۋ, ماعجاندى تانىتۋ – تاربيەلىك ءارى تاعىلىمدىق ءمانى بار ماسەلە», دەلىنگەن پرەزيدەنت قۇتتىقتاۋىندا.
مەرەكە اياسىندا وبلىستا حالىقارالىق اقىندار ايتىسىنىڭ فينالى, ات سپورتى مەن قازاقشا كۇرەستەن جارىس ءوتتى.