ەلدىڭ ەڭ جاس جانە ەڭ قارت ادامدارى قايدا تۇرادى؟

بيۋرو وكىلدەرى ۇسىنعان ستاتيستيكاعا قاراعاندا, قازاقستان حالقى تەز قارتايىپ جاتقانىن بايقاۋعا بولادى. دالىرەك ايتقاندا, ءبىر جىلدا قارتتىق يندەكسى 1,6 تارماققا وسكەن.

«قازاقستاندا قارتتىق يندەكسى 2022 جىلى 28,2 بولدى. وسىلايشا ءبىر جىلدا 1,6% تارماققا ءوستى (26,6 - 2021). بۇل 0 مەن 15 جاس ارالىعىنداعى ءار 100 بالاعا 65 جاستان اسقان 28,2 ازامات كەلەتىنىن بىلدىرەدى», دەدى ۆەدومستۆو ساراپشىلارى.

وڭىرلەر بولىنىسىندە شىعىس قازاقستاندا ەڭ جوعارى كورسەتكىش – 56,9. ودان كەيىنگى ورىندا سولتۇستىك قازاقستان وبلىسى – 56,3. العاشقى ۇشتىككە قوستاناي وبلىسى دا كىردى – 48,9.

ال ەڭ جاس ايماق ماڭعىستاۋ وبلىسى بولدى. وندا كەيىنگى 10 جىلدا بالا تۋدىڭ ەڭ جوعارى كورسەتكىشى بەلگىلەندى. مۇندا ءار 100 بالاعا 65 جاستان اسقان 10,8 ازامات كەلەدى. سونىمەن قاتار قارتتىقتىڭ تومەن يندەكسى تۇركىستان وبلىسىندا – 11,3 جانە شىمكەنت قالاسىندا – 11,7 تىركەلدى.

قالالىق جەرلەردە قارتايۋ يندەكسى اۋىلدىق جەرلەرگە قاراعاندا جوعارى, سايكەسىنشە 30,7 جانە 24,5.