شىمكەنت قالالىق سىبايلاس جەمقورلىققا قارسى قىزمەتى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى مۇحتار قوقانباەۆقا قاتىستى سوتقا دەيىنگى تەرگەۋ امالدارىن جۇرگىزىپ جاتىر, دەپ حابارلايدى Egemen.kz.
ول مەگاپوليستىڭ الەۋمەتتىك ماڭىزى بار باعىتتارى بويىنشا جولاۋشىلار تاسىمالداۋدى سۋبسيديالاۋ كەزىندە كاسىپكەردەن بيۋدجەت قاراجاتىن كەدەرگىسىز تولەگەنى ءۇشىن 13 ميلليون تەڭگە كولەمىندە پارا الدى دەگەن كۇدىككە ءىلىندى.
سوتتىڭ سانكتسياسىمەن كۇدىكتى 2 اي مەرزىمگە قاماۋعا الىندى.
قازىرگى تاڭدا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. قىلمىستىق-پروتسەستىك كودەكستىڭ 201-بابىنا سايكەس وزگە مالىمەتتەر جاريالانۋعا جاتپايدى.
سونداي-اق كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.