EXPO ىسكەرلىك ورتالىعى ەلوردانىڭ ەلىمىزدىڭ ەكونوميكا, ءبىلىم بەرۋ جانە مادەني سالالارىنىڭ دامۋىنا ءوز ۇلەسىن قوساتىن ماڭىزدى قوعامدىق اۋماعىنا جانە قالا جۇيەسىنىڭ بىرەگەي بولىگىنە اينالدى. ول – بيزنەس, ءبىلىم جانە شىعارماشىلىق يدەيالار ءۇشىن دە تارتىمدى ورتالىق. «QazExpoCongress» ۇك» اق باسقارما توراعاسىنىڭ ءبىرىنشى ورىنباسارى داۋلەت ەركىمباەۆتان بارلىق باعىتتى ءتيىمدى بىرىكتىرىپ, اتالعان الاڭدى قىسقا مەرزىمدە تانىمال ەتۋ تۋرالى سۇراعان ەدىك.
- داۋلەت قۋاندىق ۇلى, EXPO الاڭى ەلوردامىزدىڭ اجىراماس بولىگىنە جانە قازاقستاننىڭ ەكونوميكا, ءبىلىم بەرۋ جانە مادەني سالالارىن دامىتۋدىڭ ماڭىزدى فاكتورىنا اينالدى. سونىمەن قاتار, EXPO كاسىپكەرلەردى, ينتەللەكتىلىك رەسۋرستاردى جانە شىعارماشىلىق يدەيالاردى تارتۋ ۇستىندە. وسىعان وراي, «QazExpoCongress» ۇلتتىق كومپانياسى مەنەدجمەنتىنىڭ تابىس فورمۋلاسى قانداي ەكەنىن ايتىپ بەرسەڭىز. قالايشا ءبىر الاڭدا بىرنەشە باعىتتى قاتار تۇرلەندىرۋگە بولادى جانە بۇگىنگى تاڭدا EXPO دەگەنىمىز نە؟
- ءيا, دۇرىس ايتاسىز. سوڭعى ءۇش جىل ىشىندە EXPO كورمە كەشەنىنىڭ اۋماعى كەلۋشىلەر مەن ءارتۇرلى ءىس-شارالارعا قاتىسۋشىلار ءۇشىن جايلىلىق پەن ىڭعايلىلىقتى قامتاماسىز ەتەتىن ەلوردانىڭ قولايلى جانە فۋنكتسيالى ينفراقۇرىلىمىنا اينالا وتىرىپ, ايتارلىقتاي وزگەرىستەرگە ۇشىرادى. بۇل – ءبىزدىڭ جەتىستىگىمىزدىڭ نەگىزگى فاكتورلارىنىڭ ءبىرى.
وسى ۋاقىت ىشىندە «QazExpoCongress» ۇلتتىق كومپانياسى ءبىلىم بەرۋ جانە قارجى ۇيىمدارىن ءبىر ورىندا بىرىكتىرە وتىرىپ, بىرەگەي يميدجدىك جوبانى جۇزەگە اسىرا الدى.
EXPO اۋماعىن قوعامدىق كەڭىستىك رەتىندە دامىتۋعا مەملەكەت باسشىسى قاسىم-جومارت توقاەۆتىڭ تاراپىنان ەرەكشە نازار اۋدارىلىپ وتىرعانىن اتاپ ءوتۋ ماڭىزدى.
قازىرگى ۋاقىتتا EXPO ىسكەرلىك ورتالىعىنىڭ اۋماعىندا جالپى اۋدانى 530 مىڭ شارشى مەتردەن اساتىن 16 عيمارات بار. بۇل عيماراتتاردىڭ بارلىعى بوس ەمەس جانە ولاردا جۇمىس ىستەيتىن ادامداردىڭ سانى 15 مىڭنان اسادى. مۇندا «استانا» حالىقارالىق قارجى ورتالىعى, Astana Hub IT-ستارتاپتار حالىقارالىق تەحنوپاركى جانە Astana IT University سياقتى ۇيىمدار ورنالاسقان. سونداي-اق تسيفرلىق ۇكىمەت ءوفيسى, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, ستراتەگيالىق جوسپارلاۋ جانە رەفورمالار اگەنتتىگى ورنالاسقان.
ەحرو اۋماعىندا ورنالاسقان تاعى ءبىر وبەكت – «ا» كلاستى الەمدىك ستاندارتتارعا ساي كەلەتىن بيزنەس-ورتالىق. بىرىنشىدەن, بۇل بيزنەس سۋبەكتىلەرى ءۇشىن ماڭىزدى نىسان دەپ سانايمىن. مۇندا تابىستى جۇمىس ىستەۋگە جانە كاسىپكەرلىك قىزمەتتى دامىتۋعا ىقپال ەتەتىن زاماناۋي كەڭسە كەڭىستىگى ۇسىنىلادى.
سونىمەن قاتار, كەشەن اۋماعىندا «Line Brew», «Kakao Dak», «Harrats Pub» مەيرامحانالارى, «Prime Golf» گولف-سيمۋلياتورى, «Bronx» فيتنەس-كلۋبى جانە «Coffee Boom» كوفەحاناسى سياقتى ءتۇرلى مەكەمەلەر قىزمەت كورسەتەدى.
كەلۋشىلەرگە ىڭعايلى بولۋ ءۇشىن تاۋلىك بويى جۇمىس ىستەيتىن جانە كولىك جۋاتىن ورنى بار,3 مىڭ كولىككە ارنالعان جەراستى تۇراعى بار.
جالپى, EXPO اۋماعى – كەڭسەلەردى, ءبىلىم بەرۋ جانە يننوۆاتسيا مەكەمەلەرىن, سونداي-اق ويىن-ساۋىق جانە سپورت نىساندارىن قامتيتىن ءارتۇرلى بيزنەس كەڭىستىگى.
بيىلعى جىلدان باستاپ «QazExpoCongress» ۇك» اق ءوزىن-ءوزى تولىق وتەۋگە شىققانىن جانە مەملەكەتتىك بيۋدجەتتەن قارجىلاندىرىلمايتىنىن ەرەكشە اتاپ وتكىم كەلەدى. بۇعان كومپانيانىڭ تەڭگەرىمىندەگى جوعارىدا اتالعان وبەكتىلەردى كوممەرتسيالاندىرۋ (وبەكتىلەردى جالعا بەرۋ) جانە كونگرەسس-كورمە ءىس-شارالارىن وتكىزۋ ارقىلى قول جەتكىزىلدى. بۇل ىسكەرلىك ورتالىقتىڭ ينفراقۇرىلىمىن ءوز قاراجاتى ەسەبىنەن ۇستاۋدى (وبەكتىلەردىڭ قاۋىپسىزدىگى, قىزمەت كورسەتۋ جانە جاڭعىرتۋ) جانە كەشەن اۋماعىندا ءىس-شارالاردى وتكىزۋدى قامتاماسىز ەتۋگە مۇمكىندىك بەرەدى.
وسىلايشا EXPO ىسكەرلىك ورتالىعىنىڭ بارلىق وبەكتىسى مەن اۋماقتارىن ۇستاۋ مەملەكەتتىك بيۋدجەت قاراجاتىن تارتپاي, ۇلتتىق كومپانيانىڭ ەسەبىنەن جۇزەگە اسىرىلادى.
ءبىزدىڭ كومپانيا بۇگىندە قولايلى ورتا قۇرۋ, ءارتۇرلى سەكتورلاردى بىرىكتىرۋ جانە قارجىلاي ءوزىن-ءوزى اقتاۋعا قول جەتكىزۋ ارقىلى ايتارلىقتاي ناتيجەلەرگە قول جەتكىزدى. EXPO-نىڭ تابىستى جوباعا اينالدىرىلۋى قازاقستاننىڭ وسىنداي اۋقىمدى ءىس-شارالاردى ويداعىداي جاساۋ جانە باسقارۋ قابىلەتىن ايعاقتايدى.
- بۇگىنگى تاڭدا EXPO اۋماعىندا قانداي كونگرەسس-كورمە نىساندارى جۇمىس ىستەيدى؟
- قازىرگى ۋاقىتتا EXPO ىسكەرلىك ورتالىعىنىڭ اۋماعىندا كونگرەسس ورتالىعى, EXPO حالىقارالىق كورمەسى ورتالىعى, بولاشاق ەنەرگياسى مۋزەيى سياقتى ماڭىزدى نىساندار ورنالاسقان.
كونگرەسس ورتالىعى – كونتسەرتتەر, فورۋمدار جانە رەسمي كەزدەسۋلەر سياقتى ءارتۇرلى ءىس-شارالاردى وتكىزۋگە مۇمكىندىك بەرەتىن كوپفۋنكتسيالى كەشەن. بيىلعى جىلى 50-دەن استام ءىس-شارا وتكىزۋ جوسپارلانىپ وتىر. ايتپاقشى, ونىڭ تولىق جۇكتەمەسى بار جانە جىلىنا 310 كۇن جۇمىس ىستەيدى.
8-9 ماۋسىمدا كونگرەسس ورتالىعىندا استانا حالىقارالىق فورۋمى ءوتتى, وعان 10 مىڭنان استام قوناق, سونىڭ ىشىندە الەمنىڭ 70 ەلىنەن مىڭعا جۋىق وكىل قاتىستى. ءبىزدىڭ كومپانيا وسى ءىس-شارانىڭ تەحنيكالىق وپەراتورى بولدى.
تاعى ءبىر ماڭىزدى نىسان – 2020 جىلى اشىلعان EXPO حالىقارالىق كورمە ورتالىعى (EXPO حكو). بۇل – ورتالىق ازياداعى جالپى اۋدانى 23 مىڭ شارشى مەتردى قۇرايتىن ەڭ ءىرى كورمە الاڭى. 12 مىڭ شارشى مەتر اۋماقتى الىپ جاتقان كورمە زالىنا ەكى فۋتبول الاڭى سىيىپ كەتكەندەي. EXPO حكو UFI دۇنيەجۇزىلىك كورمە يندۋسترياسى قاۋىمداستىعىنىڭ سەرتيفيكاتىنا يە. مۇندا رەسپۋبليكالىق جانە حالىقارالىق كورمەلەر وتكىزىلەدى. وسى جىلى 40-تان استام ءىس-شارا جوسپارلانىپ وتىر.
بولاشاق ەنەرگياسى مۋزەيى – كەلۋشىلەردى ەكسكۋرسيالارىمەن, ءبىلىم بەرۋ جانە مادەني ءىس-شارالارىمەن قىزىقتىراتىن ماڭىزدى نىسان. مۇندا وقۋشىلار ءۇشىن تۇراقتى نەگىزدە اشىق ساباقتار وتكىزىلەدى. سونىمەن قاتار, 24-25 ماۋسىمدا مۋزەيدە اrtLab مەكتەبىمەن بىرلەسىپ,كەسكىندەمە بويىنشا بالالار مەن ەرەسەكتەرگە ارنالعان شەبەرلىك كلاستارىن وتكىزۋدى جوسپارلاپ وتىرمىز. سونداي-اق شاحماتتان ونلاين-ساباقتاردى ۇيىمداستىرۋ ماسەلەسى قاراستىرىلۋۇستىندە. ولارداعى ۇستازدار الەمدىك دەڭگەيدەگى شاحماتشىلار بولماق. بۇل – ءبىز جالعاستىرعىمىز كەلەتىن ۇردىستەردىڭ ءبىرى.
بيىل ءبىز مۋزەيدە جاڭعىرتۋ, دالىرەك ايتقاندا, مازمۇندى ءىشىنارا جاڭارتۋ جانە جوندەۋ-قالپىنا كەلتىرۋ جۇمىستارىن جۇرگىزدىك. وسى جۇمىستار اياقتالعاننان كەيىن مۋزەي تولىق جۇمىس كەستەسىنە كوشتى: سەيسەنبى- جۇما كۇندەرى – 10:00-دەن 20:00-گە دەيىن, دەمالىس كۇندەرى – 10:00-دەن 21:00-گە دەيىن, دۇيسەنبى – تەحنيكالىق كۇن. وعان كۇن سايىن 1000-نان 1500-گە دەيىن ادام كەلەدى.
EXPO ىسكەرلىك ورتالىعىنىڭ اۋماعىنداعى وسى نىسانداردىڭ بارلىعى كورمەلەردى, كونگرەستەردى, ىسكەرلىك كەزدەسۋلەردى جانە مادەني ءىس-شارالاردى وتكىزۋگە وتە قولايلى. ولار ەكونوميكانى دامىتۋعا سەپتىگىن تيگىزىپ, ۇلتتىق جانە حالىقارالىق قوعامداستىقتىڭ نازارىن اۋدارىپ وتىر.
- داۋلەت قۋاندىق ۇلى, بيىل EXPO اۋماعىندا قانداي ءىس-شارالاردى وتكىزۋجوسپارلانعان جانە ولاردىڭ قايسىسىمەن ماقتانا الاسىز؟
- جوعارىدا ايتقانىمداي, EXPO اۋماعىندا ۇنەمى ءارتۇرلى ءىس-شارالار وتكىزىلىپ تۇرادى. ءبىز مۇندا ورنالاسقان بارلىق نىساننىڭ ارقاشان بەلسەندى قىزمەت ەتۋىن قامتاماسىز ەتۋ ءۇشىن بارلىق كۇش-جىگەرىمىزدى سالامىز. بيىل بارلىق نىساننىڭ جۇمىسى كەلەسى جىلعا دەيىن جوسپارلانىپ قويىلدى.
ءبىز ءوزىمىز ۇيىمداستىراتىن جوبالار ەرەكشە ماڭىزعا يە. ولاردى ءىس-شارالارعا قاتىسۋشىلار مەن قوناقتار جوعارى باعالاپ ءجۇر. مىسالى, «Kids EXPO». بالالار الەمى جارمەڭكەسى» - سونىڭ ايعاعى. وتكەن جىلدىڭ جەلتوقسان ايىندا وتكەن «جاڭا جىل Fest» مەرەكەلىك جارمەڭكەسىنە استانادان عانا ەمەس, قازاقستاننىڭ ءتۇرلى وڭىرلەرىنەن 200-دەن استام شاعىن جانە ورتا بيزنەس وكىلدەرى, قولونەرشىلەر مەن حەندمەيدەرلەر قاتىستى. ءبىز وسىنداي ءىس-شارالاردى جىل سايىن وتكىزۋدى جوسپارلاپ وتىرمىز.
سونداي-اق EXPO اۋماعىندا ءار دەمالىس سايىن جازعى ساحنا جۇمىس ىستەيدى. ول ءوز جۇمىسىن جىل سايىن ماۋسىم ايىنىڭ باسىنان باستايدى. ءدال وسى ارادا Ninety One توبى, دجەيران, Raim & Artur دۋەتى, DJ Smash, DJ Timoffey, ەركە ەسماحان, مولدانازار, قايرات نۇرتاس ونەر كورسەتىپ, Say Mo, Abdr., The spirit of Eurasia حالىقارالىق زاماناۋي ەتنيكالىق مۋزىكا فەستيۆالى, The Limba, فورمات توبى, ايقىن, Cover Fest (باتىرحان شۇكەنوۆتى ەسكە الۋ كەشى), روك-فەستيۆال, ORDA FM گالا-كونتسەرتى, Cosplay فەستيۆالى جانە ت. ب. ارتىستەردىڭ اشىق اسپان استىنداعى كونتسەرتتەرى ءوتتى.
ۇلتتىق كومپانيا وسى باعىتتى دامىتۋدى جالعاستىرا وتىرىپ, بيىلعى جازعى ماۋسىمعا بىرنەشە قىزىقتى تاقىرىپتىق ءىس-شارا دايىنداۋ ۇستىندە. جاقىندا EXPO Melodies ەتنوفەستيۆالى ءوتتى. ءبىر الاڭدا قازاقستاننىڭ تۇكپىر-تۇكپىرىنەن اسپاپتىق جانە بي ۇجىمدارى جينالدى. ولار ەلىمىزدىڭ مادەني مۇراسىنىڭ بايلىعى مەن مۋزىكالىق شەبەرلىگىن پاش ەتتى.
جازعى ساحنا ءىس-شارالارىنىڭ كۇنتىزبەسى ماۋسىمنىڭ سوڭىنا دەيىن جوسپارلانعان. مۇندا تانىمال قازاقستاندىق ارتىستەر داستان ورازبەكوۆ, قۇرماش ماحانوۆ, مارجان اراپباەۆا, ايقىن جانە ت.ب. ونەر كورسەتەدى. ءىس- شارالار جارناماسى اپتا سايىن رەسمي سايتتا جانە كومپانيانىڭ الەۋمەتتىك جەلىلەردەگى اككاۋنتتارىندا جاڭارتىلىپ وتىرادى.
ەلوردانىڭ بارلىق ءىرى ءىس-شاراسى بىزدە وتكىزىلىپ جاتقانىن ءوزىڭىز بايقاعان بولارسىز: استانانىڭ باستى شىرشاسى سالتاناتتى تۇردە جاعىلىپ, كونكي تەبۋ ۇيىمداستىرىلىپ, ناۋرىز مەيرامى جانە ت.ب. مەرەكەلەر اتاپ وتىلەدى. بۇل – بىزگە ارتىلعان سەنىم مەن ءبىزدىڭ الاڭداردىڭ تانىمالدىلىعىنىڭ جانە سۇرانىسقا يە ەكەندىگىنىڭ دالەلى.
- وسىنداي كەڭ اۋماقتا بارشا ءۇشىن قولايلى جاعدايدى قالاي جاساي الدىڭىزدار؟
- وسى ماقساتقا جەتۋ ءۇشىن ءبىز ايتارلىقتاي كۇش-جىگەر مەن رەسۋرستار جۇمسايمىز. مىسالى, جاقىن ارادا ءبىز روللەردروم اشۋدى جوسپارلاپ وتىرمىز, وندا روليكتەردى تەگىن نەمەسە جالعا الىپ تەبۋگە بولادى. ال قىستا بۇل الاڭدا مۇز ايدىنى جۇمىس ىستەيتىن بولادى. وسىلايشا, ءبىزدىڭ قوناقتار جىلدىڭ كەز كەلگەن ۋاقىتىندا اشىق اۋادا دەمالۋعا مۇمكىندىك الادى.
جالپى, ءبىزدىڭ بۇكىل كوماندامىز سەرۆيستىڭ جوعارى دەڭگەيىن قامتاماسىز ەتۋگە جانە قوناقتارىمىزدىڭ قاجەتتىلىكتەرىن قاناعاتتاندىرۋعا باعىتتالعان ءىس-شارالاردى مۇقيات جوسپارلايدى جانە ويداعىداي ىسكە اسىرادى. ءبىز سونداي-اق قاۋىپسىزدىك, تازالىق, قولجەتىمدىلىك جانە ىڭعايلىلىق سياقتى اسپەكتىلەرگە ەرەكشە نازار اۋدارامىز.
مىسالى, EXPO اۋماعىندا بارلىق وبەكتىنى, ونىڭ ىشىندە اۋماقتى سانيتارلىق كۇتىپ ۇستاۋ, ينجەنەرلىك-تەحنيكالىق جابدىقتار مەن عيماراتتارعا قىزمەت كورسەتۋ بويىنشا ۇزدىكسىز جۇمىس اتقارىلادى. وسىعان بايلانىستى, EXPO اۋماعىنىڭ كەيبىر ۋچاسكەلەرىندە ايماقتىڭ كليماتتىق ەرەكشەلىگىن, سونداي-اق ارنايى تەحنيكانىڭ كەلۋ مۇمكىندىگىن ەسكەرە وتىرىپ, ب ۇلىنگەن جول پليتكالارىنىڭ ورنىنا اسفالتبەتون توسەۋ جۇمىستارى جۇرگىزىلدى.
EXPO ىسكەرلىك ورتالىعى اۋماعىنىڭ سىرتقى كەلبەتىن جاقسارتۋ ءۇشىن ساۋلەت-جوسپارلاۋ شەشىمىنىڭ نەگىزگى ەلەمەنتتەرى مەن قاعيداتتارىنىڭ ءبىرى – فۋنكتسيالىق جاياۋ جۇرگىنشىلەر ايماقتارىن قۇرۋ جانە ۇيىمداستىرۋ, اشىق كەڭىستىكتەردى كوگالداندىرۋ, سونداي-اق وسى ەلەمەنتتەردى قالالىق كەڭىستىكتى كوگالداندىرۋدىڭ جالپى سحەماسىنا ۇيلەسىمدى ۇلاستىرۋ. وسىنىڭ ناتيجەسىندە ەلوردانىڭ ينفراقۇرىلىمى قولايلى جانە فۋنكتسيالى بولىپ, كەلۋشىلەر مەن ءىس-شارالارعا قاتىسۋشىلار ءۇشىن جايلىلىق پەن ىڭعايلىلىقتىڭ جوعارى دەڭگەيىن قامتاماسىز ەتىپ وتىر.
ءبىز EXPO ىسكەرلىك ورتالىعى بيزنەس, مادەنيەت جانە دەمالىس ءۇشىن تارتىمدىلىق ورتالىعى جانە بارلىق قوناعىمىز بەن ءىس-شارالارعا قاتىسۋشىلار ءۇشىن سەنىمدى سەرىكتەس بولىپ قالا بەرەتىنىنە سەنىمدىمىز. وسى ماقساتتا ءبىز, ۇلتتىق كومپانيا قىزمەتكەرلەرى, قولدان كەلگەننىڭ ءبارىن جاسايمىز.
- اڭگىمەڭىزگە راحمەت!
اڭگىمەلەسكەن كارىباي مۇسىرمان,
«Egemen Qazaqstan»