استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى كولىكتىك باقىلاۋ سالاسىنداعى ۇيىمداسقان قىلمىستىق توپقا قاتىستى ۇكىم شىعاردى, دەپ حابارلايدى Egemen.kz ANTIKOR تەلەگرام ارناسىنا سىلتەمە جاساپ.
«سوت ۇكىمىمەن استانا قالاسى بويىنشا كولىكتىك باقىلاۋ ينسپەكتسياسى باسشىسىنىڭ مىندەتىن اتقارۋشى ق. قۇدايبەرگەنوۆ جانە ونىڭ سىبايلاسى ب. شۋمباسوۆا 10 جىلعا باس بوستاندىعىنان ايىرىلدى. ەكەۋى دە ۇيىمداسقان قىلمىستىق توپتى قۇرىپ, باسقارعان, دياگنوستيكالىق كارتالاردى قولدان جاساپ, تەحنيكالىق تەكسەرۋدەن ءوتۋ تۋرالى اقپاراتتىق جۇيەگە جالعان اقپارات ەنگىزدى دەپ ايىپتالدى.
ۇيىمداسقان قىلمىستىق توپتىڭ باسقا ون ۇش قاتىسۋشىسى 5 جىلعا باس بوستاندىعىنان ايىرىلدى, تاعى 4 ادامنىڭ 2 جىلعا بوستاندىعى شەكتەلدى», دەلىنگەن جازبادا. سونىمەن قاتار سوت ۇكىمىمەن باسقا لاۋازىمدى تۇلعالار پارا العانى ءۇشىن كىنالى دەپ تانىلدى. بارلىعى ولار 350 مىڭعا جۋىق اۆتوكولىك قۇرالىن زاڭسىز تىركەگەن.