مەملەكەت باسشىسى قاسىم-جومارت توقاەۆتىڭ شاقىرۋىمەن قازاقستانعا گەرمانيانىڭ فەدەرالدى پرەزيدەنتى فرانك-ۆالتەر شتاينمايەر مەملەكەتتىك ساپارمەن كەلدى, دەپ حابارلايدى Egemen.kz ۇكىمەت باسشىسىنىڭ ءباسپاسوز قىزمەتىنە سىلتەمە جاساپ.
اسا مارتەبەلى مەيماندى استانا اۋەجايىندا پرەمەر-مينيستر ءاليحان سمايىلوۆ قارسى الدى.
ساپار اياسىندا ەكى مەملەكەت باسشىلارى قازاقستان-گەرمانيا ستراتەگيالىق سەرىكتەستىگىن نىعايتۋ ماسەلەلەرى بويىنشا كەلىسسوز جۇرگىزىپ, ونىڭ قورىتىندىسى بويىنشا بىرقاتار ەكىجاقتى قۇجاتقا قول قويادى دەپ جوسپارلانعان.
سونىمەن قاتار گەرمانيا فەدەرالدى پرەزيدەنتى قازاقستان جانە گەرمانيا ۋنيۆەرسيتەتتەرى رەكتورلارىنىڭ فورۋمىندا ءسوز سويلەپ, قازاقستان پرەزيدەنتىمەن بىرگە قازاق-گەرمان بيزنەس فورۋمىنا قاتىسادى.
بۇدان بولەك, مەملەكەتتىك ساپار اياسىندا فرانك-ۆالتەر شتاينمايەر ماڭعىستاۋ وبلىسىنا بارادى. وندا قازاقستان-گەرمانيا ينجەنەرلىك ينستيتۋتىنىڭ اشىلۋىنا جانە Svevind شۆەد-گەرمان كومپانياسىنىڭ جاسىل سۋتەگى وندىرەتىن زاۋىتىندا سىناما بۇرعىلاۋ جۇمىستارىن ىسكە قوسۋ راسىمىنە قاتىسادى.