تىرلىگىمە كۇ­لە قاراعاندار كوپ بولعان - سامۇرات يماندوسوۆ

بۇل تۋرالى «Egemen Qazaqstan» گازەتىنىڭ ءتىلشىسى مۇرات جەتپىسباەۆ «ەڭبەكپەن شىققان ءتور بيىك» ماقالاسىندا جازدى. 

مايدانگەر اكەسى قىزمەت بابىمەن مايلىباس اۋىلىنا كو­شىپ كەلگەندە سامۇرات نەبارى 7 جاستا, اعاسى شاكىمۇرات 9 جاستا بولعان. سول كەزدە اعايىندارى باسپاناسىنىڭ ۇياداي ءبىر بولمە­سىن بوساتىپ بەرىپ ەدى. سوندا ءبىر قىس تۇرىپ, كەلەر جىلى وزدەرى ءۇي سالۋدىڭ قامىنا كىرىستى. سول ءۇيدىڭ كەسەگىن 7 جاستاعى سامۇرات پەن توعىزداعى اعاسى شاكىمۇرات قۇيىپ شىق­تى. اعايىندى ەكى ۇل ستانساداعى سەگىزجىلدىق مەك­تەپ­­تىڭ وقۋ ۇزدىكتەرى بولدى. مەك­تەپتى بىتىرگەسىن قى­زىلوردا گيد­رومە­ليوراتيۆتىك تەحنيكۋمىنا تەح­نيك-مەحانيك ماماندىعى بويىنشا وقۋعا قابىلداندى. قازالى سۋلان­دىرۋ جۇيەسى باسقارماسىندا ين­جەنەر-ەكونوميست قىزمەتىنەن باس­تالعان ەڭبەك جولى وسى سا­لاداعى جاۋاپتى قىزمەتتەرگە جالعاستى.

الماتىعا بارعان كۇن­دەردىڭ بىرىندە سول قالادا جۇرگەن قىزىلوردا وب­لىسىنىڭ اكىمى سەيىلبەك شاۋحامانوۆ سامۇرات جۇمان ۇلىن شا­قىرىپ, قا­زالى اۋدانىن باس­قارۋعا قولقا سال­عان ەدى. وسىلايشا اۋدان باسقارۋعا كىرىسكەن سامۇرات جۇمان ۇلى اۋىلشارۋاشىلىق سالاسىندا ءبىراز باستاما كوتەرگەن. وبلىس اكىمى اۋىسقاندا اۋدان اكىمدەرى زاڭعا سايكەس ورىندارىن بوساتقان. سول تۇستا جەكە ءىس باستاۋعا بەل بۋعان سامۇرات يماندوسوۆ نان پىسىرەتىن تسەح اشۋدى ۇيعاردى.

ماقالا اۆتورىنىڭ جازۋىنشا, كۇنىنە 90 دانا بول­كە پىسىرەتىن شاعىن تسەح اشقان بۇ­رىنعى اكىمنىڭ بۇگىنگى تىرلىگىنە كۇ­لە قاراعاندار كوپ بولىپتى. بى­راق باستاعان ءىسى ءبىر ۇدەدەن كو­­رىن­گەنشە تىنىم تاپپايتىن سا­مۇ­رات جۇمان ۇلى ايانبادى. نان ءپىسىرۋدىڭ بارلىق تالاپتارىن بۇل­جىتپاي ساقتادى. اس اتاسى­نان باستالعان كاسىپ بىردەن ۇيى­رىلە قالدى, كوپ ۇزاماي اۋەلگىدە مىسقىلداي قاراعاننىڭ ءبىرازى يماندوسوۆ پىسىرگەن ناندى ىزدەيتىن بولدى.

مۇرات جەتپىسباەۆتىڭ پايىمداۋىنشا, كاسىپتە دە ءسات سايىن الدىڭ­دى بولجاپ, وتكەنىڭدى تالداپ وتىر­ماساڭ كوپ نارسەدەن قۇر قالاسىڭ. ءتىپتى ەرتەڭىنە كوزىڭ جەتىپ وتىرسا, تىڭنان جول سالۋدان دا قاشپاعان دۇرىس. سامۇرات جۇمان ۇلىنىڭ ەڭبەك جولى - بۇنىڭ ايقىن دالەلى.