قۇرىلتايدىڭ نەگىزگى ماقساتى – حالىق پەن بيلىكتىڭ اراسىن بايلانىستىرۋ. تۇركىستاندا ەل كوكەيىندە جۇرگەن تالاي ماسەلەنىڭ تيەگى اعىتىلدى. پروبلەمالار تالقىلانىپ, ونى شەشۋدىڭ جاۋاپكەرشىلىگى ءتيىستى ورگاندارعا جۇكتەلدى.
بۇرىنعى كەزبەن سالىستىرعاندا وزگە ۇلت وكىلدەرى قازاق ءتىلىن ءتاۋىر مەڭگەرىپ كەلەدى. اسىرەسە مەملەكەتتىك قىزمەتتە ىستەيتىندەرگە قازاقشا ءبىلۋ – مىندەت. قۇرىلتايدا پرەزيدەنت ۇلت بولاشاعىنىڭ, مەملەكەت كەلەشەگىنىڭ بىرلىك, ىنتىماقسىز ب ۇلىڭعىر بولاتىنىن جاقسى ايتتى. ءوز كەزەگىندە ەكى ماسەلەگە نازار اۋدارعىم كەلەدى. ول – سپورتتى ناسيحاتتاۋ, وليمپيادا جەڭىمپازدارىن جاستارعا ۇلگى ەتۋ. يدەولوگيالىق جۇمىستىڭ ءبىر بولىگى وسىعان ارنالۋعا ءتيىس. ەكىنشىدەن, بۋكمەكەرلىك كەڭسەلەردىڭ قىزمەتىن شەكتەۋ. ويىنعا قۇمارتقاندار ءتىپتى ۇيلەرىن ساتىپ, اقشا تىگەدى. بۇل – قوعامعا قاۋىپتى. وسى ەكى ماسەلە الداعى ۋاقىتتا قۇرىلتاي شەڭبەرىندە شەشىمىن تابار دەپ ۇمىتتەنەمىن.
يسلام بايرامۋكوۆ,
ەركىن كۇرەستەن سيدنەي وليمپياداسىنىڭ كۇمىس جۇلدەگەرى