بۇگىن استانادا اكەلەر كۇنىنە وراي «اكە – وتباسىنىڭ تىرەگى» اتتى مەرەكەلىك باعدارلاما ءوتتى, دەپ حابارلايدى Egemen.kz اقپارات جانە قوعامدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.
بيىلعى جىلدىڭ 31 مامىرىندا قر ۇكىمەتى جىل سايىن ماۋسىم ايىنىڭ ءۇشىنشى جەكسەنبىسىندە بۇكىل ەل بويىنشا اتاپ وتىلەتىن اكەلەر كۇنى – جاڭا مەرەكە كۇنىن بەلگىلەدى.
مەرەكەلىك ءىس-شاراعا اقپارات جانە قوعامدىق دامۋ ءمينيسترى دارحان قىدىرالى, ۇكىمەت مۇشەلەرى, قازاقستان رەسپۋبليكاسى پارلامەنتىنىڭ دەپۋتاتتارى, جەرگىلىكتى اتقارۋشى ورگانداردىڭ, ۇكىمەتتىك ەمەس ۇيىمداردىڭ وكىلدەرى جانە ەلوردا تۇرعىندارى قاتىستى.
اكەلەر كۇنىنىڭ نەگىزگى ماقساتى - ءداستۇرلى وتباسىلىق قۇندىلىقتاردى ىلگەرىلەتۋ مەن «ىنتالى اتا-انا بولۋ» يدەياسىن ناسيحاتتاۋ.
اقپارات جانە قوعامدىق دامۋ ءمينيسترى دارحان قىدىرالى اكەلەردىڭ وتباسىن نىعايتۋ مەن بالا تاربيەسىندەگى ءرولى جايىندا ءسوز قوزعادى.
«وتان - وتباسىنان باستالادى. ال وتباسىنىڭ تىرەگى, وتاعاسى مەن قارا شاڭىراقتىڭ يەسى - اكەلەر ەكەنى بەلگىلى. بۇگىن وسى جەرگە ءومىردىڭ سان ءتۇرلى قيىندىقتارىنا توتەپ بەرىپ, جۇرتقا پانا بولعان قادىرلى دە قۇرمەتتى اكەلەرەمىز كەلىپ وتىر. بارشا جينالعان اكەلەر قاۋىمىن شىن جۇرەكتەن بۇگىنگى مەرەكەمەن قۇتتىقتايمىن!», دەدى مينيستر.
ءىس-شارا اياسىندا اكەلەر كۇنىنە وراي الەۋمەتتىك جوبالار جارمەڭكەسى, مەرەكەلىك كونتسەرت جانە بالالار شىعارماشىلىعى كورمەسى ۇيىمداستىرىلدى.
سونىمەن قاتار رەسپۋبليكا بويىنشا اكەلەر كۇنىنە ورايلاستىرىلعان ساراپتامالىق الاڭدار, دوڭگەلەك ۇستەلدەر, كوپ بالالى اكەلەردىڭ قاتىسۋىمەن وتباسىلىق جارىستار ءوتتى.