ماۋسىمنىڭ 19-نان 20-سىنا قاراعان ءتۇنى بەلفاستتا فۋتبولدان 2024 جىلعى ەۋروپا چەمپيوناتىنىڭ ىرىكتەۋ ءتۋرنيرى اياسىندا سولتۇستىك يرلانديا مەن قازاقستان قۇرامالارى اراسىندا ماتچ وتەدى, دەپ حابارلايدى Egemen.kz Sports.kz سايتىنا سىلتەمە جاساپ.
سولتۇستىك يرلانديا - قازاقستان ماتچىنىڭ تىكەلەي ترانسلياتسياسىن Qazsport تەلەارناسىنان كورۋگە بولادى. باستالۋى استانا ۋاقىتى بويىنشا 00:35-تە.
ەۋرو-2024 ىرىكتەۋ كەزەڭىندە ءۇش ويىن وتكىزگەن قازاقستان قۇراماسىنىڭ قورجىنىندا التى ۇپاي بار. ماگومەد اديەۆتىڭ شاكىرتتەرى تۋرنيردەگى ويىنىن ءساتسىز باستادى, سلوۆەنيادان ۇتىلدى (1:2), بىراق كەيىن سەنساتسيالىق تۇردە دانيا قۇراماسىن (3:2) جەڭىپ, سان-مارينو كومانداسىن دا (3:0) جەڭدى.
سولتۇستىك يرلانديا قۇراماسىنا كەلسەك, ءۇش ويىننان كەيىن ءۇش ۇپايى بار. سولتۇستىك يرلانديالىقتار دا سان-مارينونى جەڭدى (2:0), بىراق فينليانديا (0:1) مەن دانيادان (0:1) ۇتىلدى.