ەلىمىزدە اكەلەر كۇنىنە وراي ەلورداداعى بوتانيكالىق باقتا 18 ماۋسىم كۇنى «اكە – وتباسىنىڭ تىرەگى» – open talks ءىس-شاراسى وتەدى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
ءىس-شارا اقپارات جانە قوعامدىق دامۋ مينيسترلىگىنىڭ جانە ەلوردا اكىمدىگىنىڭ قولداۋىمەن وتكىزىلەدى.
ءىس-شارانىڭ نەگىزگى ماقساتى – ءداستۇرلى وتباسىلىق قۇندىلىقتاردى ناسيحاتتاۋ, «اتا-انا» يدەياسىن ناسيحاتتاۋ, سونداي-اق اتا-انا تاربيەسىندەگى اكەلەردىڭ ءرولىنىڭ ماڭىزدىلىعىن كورسەتۋ.
ايتا كەتۋ كەرەك, بيىل بۇل مەرەكە العاش رەت اتالىپ وتەدى.
ءىس-شاراعا قازاقستان رەسپۋبليكاسى پارلامەنتى دەپۋتاتتارى, ۇكىمەت مۇشەلەرىنىڭ, جەرگىلىكتى اتقارۋشى ورگانداردىڭ, ۇكىمەتتىك ەمەس ۇيىمداردىڭ جانە ت.ب. وكىلدەرى قاتىسادى دەپ جوسپارلانىپ وتىر.
ءىس-شاراعا قاتىسۋشىلارعا ارناپ اكەلەر كۇنىنە ارنالعان الەۋمەتتىك جوبالار جارمەڭكەسى, مەرەكەلىك كونتسەرت جانە بالالار شىعارماشىلىعى كورمەسى ۇيىمداستىرىلادى.
تىركەلۋ 18 ماۋسىم كۇنى ساعات 10:30-دان 11:00-گە دەيىن جالعاسادى.