وبلىستىق پروكۋراتۋرا وتكەن جىلدىڭ 30 قاراشاسىندا قازاقستان رەسپۋبليكاسى قىلمىستىق كودەكسىنىڭ 254-بابى بويىنشا (كوممەرتسيالىق ۇيىمداعى مىندەتتەرىنە ادال ەمەس قاراۋ) تەرگەۋدى باستاعان, دەپ حابارلايدى Egemen.kz Pavlodarnews.kz-كە سىلتەمە جاساپ.
«ەكىباستۇزتەپلوەنەرگو» جشس نىساندارىنداعى اپات فاكتىسى بويىنشا قىلمىستىق ءىس بويىنشا سوتقا دەيىنگى تەرگەۋ اياقتالىپ, سوتقا جولداندى.
تەرگەۋ ناتيجەلەرىن قاداعالاۋ ورگانى حابارلادى.
ەكىباستۇز جەو-دا عيماراتتار مەن قۇرىلىستاردىڭ تەحنيكالىق جاعدايىنىڭ سايكەس كەلمەۋى سالدارىنان قىسىم كورسەتكىشىنىڭ يمپۋلستىك قۇبىرى قاتىپ قالعان. سوندىقتان رەتتەۋشى جالعان كورسەتكىشتەردى كورسەتىپ, سۋ بەرۋدى ارتتىرعان.
سودان كەيىن حيميا تسەحىنىڭ جۇمىسشىلارى قىسىمدى ارتتىرىپ, تاعى ەكى سورعىنى قوسىپ, «ەكىباستۇزتەپلوەنەرگو» جشس جىلۋ جەلىلەرىندە كوپتەگەن جارىلىستاردى تۋعىزدى.
«جۇرگىزىلگەن ساراپتامالار قۇبىرلاردىڭ 100 پايىز توزۋىن, قازاندىق, تۋربينالىق جانە ىستىق سۋ تسەحتارىنىڭ باس عيماراتى قۇرىلىمىنىڭ اپاتتى جاعدايىن انىقتادى», دەپ ناقتىلادى وبلىستىق پروكۋراتۋرادا.
جشس-ءنىڭ ەلەكتر ستانتسيالارى مەن جەلىلەرىن تەحنيكالىق پايدالانۋ كەزىندەگى كوپتەگەن بۇزۋشىلىقتاردى وبلىستىق باسقارمالار – مەملەكەتتىك ساۋلەت-قۇرىلىس باقىلاۋ دەپارتامەنتى, توتەنشە جاعدايلار دەپارتامەنتى, سانيتارلىق-ەپيدەميولوگيالىق باقىلاۋ دەپارتامەنتى, ەڭبەك باسقارماسى, تەكسەرۋ ماماندارى, وبلىستىق باسقارمالار, تابيعي مونوپوليالاردى رەتتەۋ كوميتەتى, سونداي-اق قازاقستان رەسپۋبليكاسى قارجى مونيتورينگى اگەنتتىگى جانە قازاقستان رەسپۋبليكاسى ەنەرگەتيكا مينيسترلىگى انىقتادى.
2023 جىلعى 16 مامىردا جشس بۇرىنعى باس ديرەكتورىنىڭ, ەكىباستۇز جەو جانە ەكىباستۇز جىلۋ جەلىلەرى ديرەكتورلارىنىڭ ارەكەتى قازاقستان رەسپۋبليكاسى قىلمىستىق كودەكسىنىڭ 254-بابى – كوممەرتسيالىق ۇيىمداعى قىزمەتتىك مىندەتتەرىنە ادال ەمەس قاراۋمەن سارالانعان.
«2023 جىلعى 22 مامىردا تەرگەۋ اياقتالىپ, 2023 جىلعى 15 ماۋسىمدا پروكۋرورمەن زەردەلەنگەننەن كەيىن ءىس ءمانى بويىنشا قاراۋ ءۇشىن ەكىباستۇز قالالىق سوتىنا جىبەرىلدى», دەپ تولىقتىردى قاداعالاۋ ورگانى.
سونداي-اق وبلىس پروكۋراتۋراسى 2023 جىلدىڭ 11 قاڭتارىندا جىلۋ بەرۋ ماۋسىمىنا جاۋاپتى لاۋازىمدى تۇلعالاردىڭ نەمقۇرايدىلىعى بويىنشا سوتقا دەيىنگى تەرگەپ-تەكسەرۋ باستالعانىن حابارلادى.
اۋماقتىق ەنەرگەتيكالىق قاداعالاۋ ءبولىمىنىڭ باستىعى جانە ەكىباستۇز تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسى كۇدىكتى رەتىندە تانىلدى.
بۇل فاكتى بويىنشا تەرگەۋ جالعاسىپ جاتىر. قازاقستان رەسپۋبليكاسى قىلمىستىق-پروتسەستىك كودەكسىنىڭ 47,201-باپتارى بويىنشا باسقا دا مالىمەتتەر جاريالانبايدى.
ەسكە سالايىق, سوت ەكىباستۇز اكىمىنىڭ «ەكىباستۇزتەپلوەنەرگو» كومپانياسىنا قارسى شاعىمىن قاناعاتتاندىردى. كاسىپورىننان قالالىق بيۋدجەت پايداسىنا – 22 170 308 تەڭگە ماتەريالدىق شىعىن وندىرىلمەك.