الماتىدا پوليتسيا قىزمەتكەرلەرى 44 جاستاعى كۋرەردەن تاپانشا مەن 17 وق تاركىلەدى, دەپ حابارلايدى Egemen.kz Polisia.kz-كە سىلتەمە جاساپ.
پوليتسيا تالعار تاسجولىنىڭ بويىنداعى ەكولوگيالىق بەكەتتە موپەد مىنگەن ەكى ەر ادامدى ۇستادى. 44 جاستاعى ەر ادامنىڭ كۋرەرلىك سومكەسىنەن ءارتۇرلى كاليبرلى 17 پاترون جانە «Grand Power تاپانشاسى تابىلدى. الدىن الا تەكسەرۋ بارىسىندا اتالعان قارۋدىڭ گازدى تاپانشا ەكەندىگى جانە تراۆماتيكالىق وقپەن اتىلاتىندىعى انىقتالىپ, كەيىنىرەك قارۋدىڭ ۇرلانعاندىعى دا بەلگىلى بولدى.بۇل فاكت قازاقستان رەسپۋبليكاسى قىلمىستىق كودەكسىنىڭ 287-بابىنىڭ 2-بولىگىندەگى «زاڭسىز قارۋ ساقتاۋ» بويىنشا تىركەلدى. بەلگىلى بولعانداي, سوتتالۋشىلاردىڭ ءبىرى بۇرىن قاراقشىلىق شابۋىل جاساعانى ءۇشىن سوتتى بولعان. اتالعان ءىس بويىنشا تەرگەۋ امالدارى جالعاسىپ جاتىر.