اباي وبلىسىنىڭ اكىمدىگى ورمان ورتىنە بايلانىستى جاعدايدى باياندادى, دەپ حابارلايدى Egemen.kz.
قازىر اباي وبلىسىندا ءۇش باعىتتا (وڭتۇستىك, باتىس جانە شىعىس جيەكتە) ءورتتى ءسوندىرۋ جۇمىستارى جالعاسىپ جاتىر. شىعىس باعىتتا اۋىر تەحنيكامەن مينەرالدانعان جولاقتار جاساۋ جۇمىستارى جۇرگىزىلۋدە.
جەرگىلىكتى اكىمدىكتىڭ مالىمەتىنشە, ءورتتى سوندىرۋگە تجم, ورمان شارۋاشىلىعى كوميتەتىنەن, جەرگىلىكتى اتقارۋشى ورگانداردان جانە قورعانىس مينيسترلىگىنەن 1 500-گە جۋىق ادام, 300-دەن استام بىرلىك تەحنيكا جۇمىلدىرىلعان.
سونىمەن قاتار ءورت اۋماعىن اەروۆيزۋالدى تەكسەرۋ جانە ءورت وشاقتارىنا اۋەدەن سۋ توگۋدى جۇزەگە اسىرۋ ءۇشىن 14 تىكۇشاق تارتىلدى. ءورتتى ءسوندىرۋ جۇمىستارى باستالعاننان بەرى ءورت وشاقتارىنا اۋەدەن 621 رەت سۋ توگىلدى, جالپى كولەمى 1 900-گە جۋىق توننانى قۇرايدى.
توتەنشە جاعدايلار ءمينيسترى گەنەرال-مايور سىرىم ءشارىپحانوۆ پەن قورعانىس ءمينيسترى گەنەرال-پولكوۆنيك رۋسلان جاقسىلىقوۆ ءورت ءسوندىرۋ جۇمىستارىن ۇيلەستىرۋ ءۇشىن وقيعا ورنىنا كەتتى.
بۇدان باسقا, تجم-گە حابارلاما كەلىپ تۇسكەن ساتتەن باستاپ وقيعا ورنىندا تجم اپاتتار مەديتسيناسى ورتالىعى فيليالدارىنىڭ بريگادالارى قىزمەت كورسەتىپ جاتىر.
قازىرگى ۋاقىتقا دەيىن جەدەل جەلىگە 104 قوڭىراۋ تۇسكەن. تجم جانە تجد جەدەل جەلى تەلەفوندارى: 8 7172 53 32 84, 8 722 235 38 31.
مەتەوجاعدايدىڭ وزگەرۋىنە بايلانىستى (جەلدىڭ ەكپىنى سەكۋندىنا 18 مەترگە دەيىن) ءورت تومەنگى بولىكتە ءوربىپ, تاليتسا اۋىلىنا قاراي باعىت الدى. اۋىلدى قورعاۋعا ءورت تەحنيكاسى جۇمىلدىرىلدى. تۇرعىندار الدىن الا ەۆاكۋاتسيالاندى.