11 ماۋسىم كۇنى قازاقستان اۋماعىنىڭ باسىم بولىگىندە قولايلى مەتەورولوگيالىق جاعداي ساقتالادى, دەپ حابارلايدى Egemen.kz.
«قازگيدرومەت» رمك ءباسپاسوز قىزمەتى تاراتقان مالىمەتكە سەنسەك, جەكسەنبىدە اۋا ساپاسى تەك استانا مەن اقتوبە قالالارىندا ناشارلايدى. وزگە شاھارلاردا مەتەواحۋال نورما شەگىندە بولادى.
قولايسىز مەتەورولوگيالىق جاعداي – اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى, جەڭىل جەل, تۇمان, ينۆەرسيا) جيىنتىعى.
قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.