قازاقستان – دۇنيەجۇزىندە Covid-19-عا قارسى ۆاكتسينا شىعارعان التىنشى مەملەكەت. سول تۇستا بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىن باسقارا وتىرىپ, وتاندىق 5 پلاتفورماداعى ۆاكتسينانى شىعارۋعا كىرىستىك.
سول كەزدە شەكارا جابىق ەدى. زاڭنامادا دا ءتۇرلى كەدەرگى بولدى. مەملەكەت باسشىسىنىڭ تاپسىرماسىمەن ەلدە جانە ورتالىق ازيادا العاش رەت تولىق تسيكلدى ۆاكتسينا شىعاراتىن زاۋىت سالدىق. ول «OtarBioPharm» دەپ اتالادى. بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى 1958 جىلى قۇرىلعان. ول – اسا قاۋىپتى ۆيرۋستارمەن جۇمىس ىستەيتىن مىقتى ۆيرۋسولوگتەرى بار ءىرى ينستيتۋت. ءبىز پاندەميادان ساباق الىپ, كۇش جينادىق. بۇل سالادا كادر دايارلاۋعا دا كوڭىل ءبولىندى. ءبىز وسى جولدا توقتاماي, العا جىلجۋعا تالپىنامىز. ەندى بىزدە پاندەميانىڭ ساباقتارى, ەرەجەلەرى بار. وسىنى ساقتاپ قالۋىمىز كەرەك. پرەزيدەنت قاسىم-جومارت توقاەۆ اۋقىمدى فورۋمداردا دۇنيەجۇزىلىك بيولوگيالىق قاۋىپسىزدىك اگەنتتىگىن قۇرۋ جانە وسى ماسەلەنى جوعارى دەڭگەيگە شىعارۋ تۋرالى بىرنەشە رەت ايتتى. بىزگە دۇنيەجۇزىلىك بيولوگيالىق قاۋىپسىزدىك ماسەلەلەرىن قارايتىن اگەنتتىك قاجەت.
كۇنسۇلۋ زاكاريا,
پرەزيدەنت جانىنداعى
ۇلتتىق عىلىم اكادەمياسىنىڭ باسشىسى