مەملەكەت باسشىسى قاسىم-جومارت توقاەۆ استانا حالىقارالىق فورۋمىندا سويلەگەن سوزىندە قازاقستان ىنتىماقتاستىقتى قولدايتىن, ءارى بىرقاتار جوبالاردا ماڭىزدى ءرول اتقاراتىن سەنىمدى سەرىكتەس ەكەنىن ايتتى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
«مىسالى, قىتايدى ەۋروپالىق وداقپەن بايلانىستىراتىن ورتا ءدالىز نەمەسە ترانسكاسپي حالىقارالىق كولىك باعىتى ساۋدا مەن ينۆەستيتسيا ءۇشىن جاڭا مۇمكىندىكتەرگە جول اشادى. بۇل باعىت تاۋاردى ءۇندى مۇحيتى ارقىلى تاسىمالداۋ مەرزىمىن ەكى ەسە قىسقارتادى.
سونىمەن قاتار ەكونوميكالىق دامۋعا جانە وڭىرىشىلىك بىرىگۋگە ىقپال ەتەتىن ء«بىر بەلدەۋ, ءبىر جول» باستاماسىندا قازاقستان باستى ءرول اتقاراتىنىن اتاپ وتكىم كەلەدى. ءبىز مەملەكەتتەر مەن ادامدار اراسىنداعى فيزيكالىق بايلانىستى نىعايتۋعا, سونداي-اق سەرىكتەس ءارى دوس رەتىندە قوعامداستىقتار اراسىنداعى بايلانىستى كۇشەيتۋگە تىرىسامىز.
وسى فاكتورلاردىڭ بارلىعىن ەسكەرە وتىرىپ, بۇگىندە قازاقستان جاھاندىق, ەڭ باستىسى, شىن مانىندە, سەنىمدى ساۋدا-ەكونوميكالىق سەرىكتەس ەكەنىن ايتا الامىز», دەدى پرەزيدەنت.