بۇگىن مەملەكەت باسشىسىنىڭ جۇمىس كەستەسىندە بىرقاتار كەزدەسۋ جوسپارلانعان, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
بۇگىن قاسىم-جومارت توقاەۆ استانا حالىقارالىق فورۋمىنا قاتىسۋ ءۇشىن ارنايى كەلگەن ەقىۇ باس حاتشىسى حەلگا شميدپەن كەزدەسۋ وتكىزەدى. كەزدەسۋدە ەقىۇ مەن قازاقستاننىڭ سەرىكتەستىگىن نىعايتۋ پەرسپەكتيۆالارى تالقىلانادى.
سونداي-اق مەملەكەت باسشىسى يۋنەسكو-نىڭ باس ديرەكتورى ودرە ازۋلەنى قابىلدايدى. كەزدەسۋ بارىسىندا ءبىلىم, عىلىم, مادەنيەت سالالارىنداعى ىنتىماقتاستىق ماسەلەلەرى قاراستىرىلادى. بىلتىر قازاقستاننىڭ يۋنەسكو-عا مۇشە بولعانىنا 30 جىل تولدى.
جوسپارعا سايكەس قاتار ءامىرى شەيح ءتاميم بەن حاماد ءال ءتاني باستاعان دەلەگاتسيامەن كەزدەسەدى. تاراپتار ساۋدا-ەكونوميكا, ينۆەستيتسيا سالالارىنداعى ستراتەگيالىق سەرىكتەستىكتى ودان ءارى كەڭەيتۋ ماسەلەلەرىن تالقىلايدى.