كەڭەس زامانىندا دۇرىلدەپ, كەيىن قاراۋسىز قالعان «يۋنوست» ستاديونى كۇردەلى جوندەۋدەن ءوتتى.
زامان تالابىنا ساي جاڭعىرعان 1 150 ورىندىق ستاديوندا فۋتبول الاڭى, جۇگىرۋ جولى, ۆولەيبول, ۇزىندىققا سەكىرۋ, بيىكتىككە سەكىرۋ, يادرو لاقتىرۋ الاڭدارى بار. بارلىق تالاپقا ساي سالىنعان ستاديون جاستاردىڭ, سپورتتى سەرىك ەتكەن بولاشاق چەمپيونداردىڭ تۇراقتى ورنىنا اينالىپ, وندا ۇلكەن سپورتتىق جارىستار مەن ءدۇبىرلى دودالار وتەدى.
– وقۋشىلار جازعى دەمالىسقا شىعىپ جاتقان شاقتا ستاديوننىڭ پايدالانۋعا بەرىلۋى وتە ماڭىزدى. جاسوسپىرىمدەرىمىزدىڭ ءبىر مەزگىل وسىندا كەلىپ, سپورتپەن اينالىسۋى ءۇشىن قولايلى جاعداي جاسالدى, – دەيدى ساتباەۆ قالالىق سپورت ءبولىمىنىڭ باسشىسى نۇرباقىت توباعۇلوۆ.
ۇلىتاۋ وبلىسى,
ساتباەۆ قالاسى