سەرىك ەگىزباەۆ: جاڭا كونستيتۋتسيا قوعام سۇرانىسىنا جاۋاپ بەرەدى

سەرىك ەگىزباەۆ بۇل قۇجاتتىڭ ەلدەگى وزەكتى قوعامدىق سۇرانىستارعا تولىق جاۋاپ بەرەتىنىن, ازاماتتاردىڭ تالاپ-تىلەگى ەسكەرىلگەنىن ايتتى.

«تالقىلاۋ بارىسىندا قوعامنان كەلىپ تۇسكەن مىڭداعان ۇسىنىس ەسكەرىلگەن, ەلىمىزدىڭ بولاشاقتاعى دامۋ بارىسىن, ازامات پەن مەملەكەتتىڭ ءوزارا قارىم-قاتىناسىنىڭ جاڭا مودەلىن, مەملەكەتتىك باسقارۋدىڭ باعىت-باعدارىن ايقىندايتىن جاڭا كونستيتۋتسيامىزدى حالىقتىڭ شەشىمىنە ۇسىنعالى وتىرمىز», دەدى ول.

«اۋىل» پارتياسىنىڭ جاستارى كونستيتۋتسيالىق رەفورمانى قولدايدى

ونىڭ سوزىنشە, قۇجاتتىڭ نەگىزىندە ادام جانە ادامي قۇندىلىقتار, بيلىك تارماقتارىنىڭ تەڭگەرىمى, زاڭ ۇستەمدىگى مەن الەۋمەتتىك ادىلەتتىلىك قاعيداتتارى جاتىر.

مۇنىمەن قوسا, سپيكەر «اۋىل» پارتياسىنىڭ تاراپىنان رەسپۋبليكا وڭىرلەرىندە كونستيتۋتسيا جوباسىن ءتۇسىندىرۋ بويىنشا كەڭ اۋقىمدى جۇمىستاردىڭ جۇرگىزىلگەنىن جەتكىزدى.

«قاراعاندى, قىزىلوردا, سولتۇستىك قازاقستان, قوستاناي, كوكشەتاۋ, شىمكەنت جانە وزگە دە وڭىرلەردە حالىقپەن كەزدەسۋلەر ۇيىمداستىرىلىپ, ەلدىڭ پىكىرى تولىق ەسكەرىلدى», دەدى «اۋىل» پارتياسىنىڭ توراعاسى.

كونستيتۋتسيالىق رەفورما جاستارعا قانداي مۇمكىندىكتەر ۇسىنادى؟

ونىڭ ايتۋىنشا, اۋىل تۇرعىندارى ۇسىنىلىپ وتىرعان وزگەرىستەردى قۇر زاڭنامالىق تۇزەتۋلەر رەتىندە ەمەس, وزدەرىنىڭ تۇرمىس-تىرشىلىگىنە ناقتى ىقپال ەتەتىن ومىرلىك ماڭىزى بار قادامدار دەپ قابىلداپ جاتىر. كەزدەسۋلەر بارىسىندا ازاماتتار بۇل باستامانىڭ تاعدىرىن حالىقتىڭ ءوزى ايقىنداۋى قاجەت دەگەن ورتاق ۇستانىم ءبىلدىرىپ, قۇجاتتى جالپىحالىقتىق شەشىم ارقىلى بەكىتۋدىڭ ماڭىزى ەرەكشە ەكەنىن اتاپ وتكەن.

«وسى ورايدا كەزدەسۋلەردە بارلىق ازامات ءبىر اۋىزدان بۇل قۇجاتتى حالىقتىڭ شەشىمىمەن بەكىتەتىن ۋاقىت جەتكەنىن ءجيى ايتتى. سوندىقتان, كونستيتۋتسيا جوباسىن جالپىۇلتتىق رەفەرەندۋمعا شىعارۋدى ۇسىنامىن. وتانداستىرىمىزدى جاڭا كونستيتۋتسيامىزدى قولداۋعا شاقىرامىن», دەدى سەرىك ەگىزباەۆ.

ايدا بالاەۆا: كونستيتۋتسيالىق رەفورمالار قوعامدى جان-جاقتى جاڭعىرتۋدىڭ بەرىك نەگىزىن قالىپتاستىرادى