سينوپتيكتەر 7 ماۋسىمعا ارنالعان اۋا رايى بولجامىن ۇسىندى. «قازگيدرومەت» رمك بولجامىنا سايكەس, ەل اۋماعىندا قاتتى جاڭبىر جاۋىپ, نايزاعاي وينايدى, كەي وڭىرلەردە بۇرشاق جاۋىپ, شاڭدى داۋىل تۇرادى. رەسپۋبليكانىڭ بىرقاتار وڭىرىندە اپتاپ ىستىق جانە توتەنشە ءورت قاۋپى ساقتالادى, دەپ حابارلايدى Egemen.kz.
اتاپ ايتقاندا, قازاقستاننىڭ باسىم بولىگىندە تۇراقسىز اۋا رايى بولجانىپ وتىر, سوعان بايلانىستى نايزاعايمەن وتكىنشى جاڭبىر, ەلىمىزدىڭ سولتۇستىك-باتىسىندا قاتتى جاڭبىر جاۋادى.
«تەك ەلدىڭ باتىسىندا, وڭتۇستىگىندە, شىعىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى, وڭتۇستىك-باتىستا, سولتۇستىك-باتىستا بۇرشاق, باتىستا شاڭدى داۋىل كۇتىلەدى», دەلىنگەن حابارلامادا.
سونداي-اق اقمولا, تۇركىستان, سولتۇستىك قازاقستان, پاۆلودار, قاراعاندى, ۇلىتاۋ, شىعىس قازاقستان, اباي, قىزىلوردا, جامبىل وبلىستارىندا, اقتوبە وبلىسىنىڭ وڭتۇستىگىندە, شىعىسىندا, قوستاناي وبلىسىنىڭ وڭتۇستىك-شىعىسىندا, الماتى جانە جەتىسۋ وبلىستارىندا قاتتى ىستىق بولجانادى.
قىزىلوردا, ماڭعىستاۋ, جامبىل, اقمولا, سولتۇستىك قازاقستان, پاۆلودار, قوستاناي, قاراعاندى, ۇلىتاۋ وبلىستارىندا, اتىراۋ وبلىسىنىڭ سولتۇستىگى مەن شىعىسىندا, اباي, شىعىس قازاقستان وبلىستارىنىڭ سولتۇستىك-باتىسىندا, اقتوبە وبلىسىنىڭ باتىسىندا, وڭتۇستىك-شىعىسىندا, الماتى جانە جەتىسۋ وبلىستارىنىڭ سولتۇستىگىندە توتەنشە ءورت قاۋپى ساقتالادى.